Пра гэта ішла размова і на Нацыянальнай камісіі па правах дзіцяці пры Савеце Міністраў. Разам з тым намеснік прэм'ер-міністра Ігар Петрышэнка адзначыў, што злачыннасць сярод падлеткаў у Беларусі зніжаецца.
«Сёння ў краіне выбудавана сістэмная работа па прафілактыцы безнагляднасці і правапарушэнняў непаўналетніх. Ёсць адпаведныя рэзультаты. Па выніках першага квартала колькасць злачынстваў, учыненых непаўналетнімі, у параўнанні з аналагічным перыядам мінулага года, скарацілася на 9,5 працэнта, колькасць пацярпелых ад злачынстваў дзяцей — на 16,9 працэнта. Аднак, на жаль, абсалютныя лічбы па гэтых паказчыках яшчэ высокія. Прычына кожнага такога выпадку — няўвага, патуранне або несвоечасовае аказанне дапамогі непаўналетняму з боку дарослых», — сказаў Ігар Петрышэнка.
Паводле яго слоў, падзеі мінулага года выявілі дзве трывожныя тэндэнцыі. «Першая — свядомае ўцягванне дарослымі, у тым ліку бацькамі, дзяцей у проціпраўную дзейнасць, палітычныя гульні, маніпуляванне імі, а ў шэрагу выпадкаў — цынічнае выкарыстанне іх для шантажу. Другая — дэструктыўны ўплыў інфармацыі, што распаўсюджваецца ў сетцы Інтэрнэт, розных мэсэнджарах і сацыяльных сетках. Пры гэтым пераважная частка такіх злачынстваў учыняецца дома, за зачыненымі дзвярамі», — звярнуў увагу віцэ-прэм'ер. На пасяджэнні абмяркоўвалася, як эфектыўна вырашаць гэтыя пытанні, што неабходна зрабіць дзяржаўным органам і арганізацыям для прафілактычнай работы з непаўналетнімі і іх сем'ямі.
«Хацелася б папрасіць усіх бацькоў, каб яны ўважліва сачылі за сваімі дзецьмі, таму што правапарушэнні ажыццяўляюцца падлеткамі ў асноўным у начны час, калі яны павінны быць дома. Таму няхай вашы дзеці будуць з вамі. Сямейныя традыцыі, здаровы лад жыцця — прывучайце іх да гэтага. Дзяцей трэба выхоўваць у духу неабходных каштоўнасных параметраў, — заклікаў Ігар Петрышэнка. — Дарэчы, на гэта звярнуў увагу і Камітэт ААН па правах дзіцяці ў сваім перыядычным аглядзе па выніках мінулага года. Нам неабходна засяродзіць увагу як на прафілактыцы злачынных паводзін дзяцей, так і на выхаваўчым працэсе, традыцыйных сямейных каштоўнасцях».
На пасяджэнні закраналася і тэма патрыятычнага выхавання. «Цяпер Год народнага адзінства, і патрыятычныя акцыі праводзяцца на працягу ўсяго года. Мы актыўна працуем з нашай моладдзю. Гэта асабліва актуальна напярэдадні Дня Перамогі. Моладзь ускладае кветкі ў памяць аб ахвярах Вялікай Айчыннай вайны, віншуе ветэранаў з гэтым святам», — адзначыў віцэ-прэм'ер.
Вольга МЯДЗВЕДЗЕВА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
