Вы тут

Сенатары ўшанавалі памяць салдат Перамогі


Напярэдадні святкавання дня Перамогі спікер верхняй палаты парламента Беларусі Наталля Качанава, яе намеснік Анатоль Ісачанка, старшыні Пастаянных камісій і члены Савета Рэспублікі, а таксама работнікі Сакратарыята палаты ўсклалі кветкі да стэлы з сімвалічнай назвай «Мінск – горад-герой».


Фота: БелТА

 

У размове з журналістамі Наталля Качанава адзначыла, што 9 Мая – гэта святы дзень і ўсенароднае свята. Яно заўсёды ў нас адзначаецца з пачуццём гонару за свой народ, за сваю краіну, за людзей старэйшых пакаленняў, ветэранаў, якія ў гады Вялікай Айчыннай вайны не шкадуючы жыцця адстаялі свабоду і незалежнасць радзімы. Таму мы павінны беражліва захоўваць памяць аб тых страшных і гераічных падзеях, перадаваць гэтую памяць маладзейшым пакаленням. Беларусы сустракаюць свята Вялікай Перамогі з пачуццём радасці за мірнае неба над нашай краінай. Бо самае галоўнае ў жыцці – гэта мір, падкрэсліла старшыня Савета Рэспублікі.

Нагадаем, у 1974 годзе сталіцы Беларусі прысвоілі званне горада-героя. З гэтай нагоды было вырашана ўзвесці манументальны комплекс, натуральна, пад назвай «Мінск – горад-герой». Стэла ў яго кампазіцыі заняла цэнтральнае месца. Яе ўрачыстае адкрыццё адбылося ў 1985 годзе і было прымеркавана да 40-годдзя Перамогі.

З таго часу гэта 45-метровая стэла на ўзгорку стала месцам сустрэч мінчан, не мінаюць яе госці сталіцы, якія традыцыйна наведваюць суседні з абеліскам Беларускі музей гісторыі Вялікай Айчыннай вайны. А ў знакавыя для беларусаў гістарычныя даты да мемарыяльнага комплексу прыходзяць людзі, каб ускласці кветкі, ушанаваць памяць тых герояў, якія змагаліся ў акупаваным Мінску і тых, хто потым вызваляў яго ад фашыстаў.

Мікалай ЛЮБЧАНСКІ

Загаловак у газеце: Даніна павагі героям

Выбар рэдакцыі

Эканоміка

У сталіцы актыўна скупляюць кватэры. Ці надоўга гэта?

У сталіцы актыўна скупляюць кватэры. Ці надоўга гэта?

Пасля значнага вясновага «хапуна», на майскія святы рынак злёгку астыў.

Грамадства

«Як ты можаш такое казаць, мама?!» Спрачацца з пажылымі сваякамі трэба правільна

«Як ты можаш такое казаць, мама?!» Спрачацца з пажылымі сваякамі трэба правільна

Псіхіка пажылых людзей часцей за ўсё не здольная да «апгрэйду».