Вы тут

Міласэрнасць як праца


У арганізацыі Беларускага Чырвонага Крыжа напярэдадні Міжнароднага дня Чырвонага Крыжа і Чырвонага Паўмесяца, які адзначаецца 8 мая, падвялі вынікі работы падчас пандэміі.


Фота: pixabay.com

— Мы прыклалі ўсе намаганні, каб дапамагчы найбольш уразлівым падчас пандэміі, — сказала Генеральны сакратар Беларускага Чырвонага Крыжа Вольга МЫЧКО. — Нашы супрацоўнікі і валанцёры выканалі 68 тысяч даставак прадуктаў, рэцэптаў, лекаў і сродкаў гігіены адзінокім пажылым людзям, каб яны маглі заставацца дома. Ва ўстановы аховы здароўя і сацыяльнай абароны перададзены сродкі індывідуальнай аховы і медыцынскае абсталяванне. Аднавіла работу бясплатная інфалінія Беларускага Чырвонага Крыжа.

БЧК не спыніў дзейнасці медыка-сацыяльнай службы «Дапамога». У мінулым годзе сёстры міласэрнасці аказалі больш за паўтара мільёна паслуг дома для 1358 адзінокіх і адзінока пражываючых пажылых і людзей з інваліднасцю. Працавалі таксама такія сэрвісы, як «Адкрыты дом» для асоб з ментальнымі парушэннямі, праект «Няня замест мамы», дзе 21 няня аказвалі дапамогу ў бальніцах па доглядзе за дзецьмі, якія засталіся без апекі бацькоў, працаваў Гродзенскі дзіцячы рэабілітацыйны цэнтр, Гомельскі шматпрофільны крызісны цэнтр. Нельга не згадаць і работу Службы вышуку Беларускага Чырвонага Крыжа. Летась спецыялісты працавалі з 1480 зваротамі, па 146 быў атрыманы станоўчы вынік. Большасць зваротаў у Службу вышуку БЧК была звязана з загінулымі падчас Другой сусветнай вайны.

Работа Чырвонага Крыжа працягваецца, і, вядома, асаблівая ўвага будзе па-ранейшаму сфакусіравана на вырашэнні крызісу, звязанага з пандэміяй каранавіруса. Так, сёння арганізацыя рыхтуе валанцёраў на выпадак вакцынацыі насельніцтва ад COVІD-19 у прышчэпачных пунктах.

Наталля ТАЛІВІНСКАЯ

Выбар рэдакцыі

Грамадства

Ігар Петрышэка: «ЦТ — спаборніцтва, і перамога ў ім павінна быць чэснай!»

Ігар Петрышэка: «ЦТ — спаборніцтва, і перамога ў ім павінна быць чэснай!»

Сацыяльнае дыстанцыраванне і напаўняльнасць да 50 чалавек — такія патрабаванні да аўдыторый ЦТ.

Культура

22 чэрвеня 1941 года раздзяліла жыццё беларусаў на «да» і «пасля»

22 чэрвеня 1941 года раздзяліла жыццё беларусаў на «да» і «пасля»

Яны яшчэ не ведалі, што наперадзе — доўгія тры гады жыцця пад акупацыяй. 

Грамадства

Ва ўсім вінаваты... заяц. Як не падхапіць інфекцыю на прыродзе і падчас сельгасработ

Ва ўсім вінаваты... заяц. Як не падхапіць інфекцыю на прыродзе і падчас сельгасработ

Выпадак захворвання тулярэміяй зарэгістраваны ў чэрвені.