Вы тут

«Белавія» пачала выконваць рэгулярныя рэйсы ў Екацярынбург


Гэта восьмы рэгулярны напрамак у Расію, паведамляе прэс-служба кампаніі.


Фота: pixabay.com

Рэйсы ў Екацярынбург плануюцца раз на тыдзень — па пятніцах з вылетам з Мінска ў 23.10 і прыбыццём у Міжнародны аэрапорт Кальцова ў 04.10. Зваротны рэйс у сталіцу Беларусі — па суботах з вылетам у 05.10 і прыбыццём у Нацыянальны аэрапорт Мінск у 06.25. Час для ўсіх аэрапортаў названы мясцовы.

Мінімальны кошт квіткоў па тарыфе «LIGHT» (без багажу) складае 143 еўра ў адзін бок, у абодва — 233 еўра. У тарыфным брэндзе «SMART»: 163 еўра па адным напрамку і 263 еўра за туды-зваротна.

— Пасажырапаток паступова аднаўляецца нягледзячы на тое, што сітуацыя ў нашай галіне ўсё яшчэ зыбкая. «Белавія» здолела не проста выстаяць у складаных умовах, але і працягнула прапаноўваць пасажырам новыя магчымасці. Сёння мы пашыраем маршрутную сетку па Расіі. У Екацерынбург «Белавія» ужо лётала, але даўно: у 1990-х і ў 2010-2015 гадах. Зараз мы, можна сказаць, перазапускаем дадзены маршрут. Многія чакалі з’яўлення гэтага кірунку — хтосьці па працоўных пытаннях, хтосьці з турыстычнымі мэтамі. Мы рады адправіць сёння рэйс у Міжнародны аэрапорт Кальцова, які стаў пачаткам новага рэгулярных авіязносін паміж Екацярынбургам і Менскам, — адзначыў Ігар Чаргінец, генеральны дырэктар ААТ «Авіякампанія «Белавія».

Авіякампанія будзе лётаць у Екацерынбург на самалёце Embraer 175. Паветранае судна дадзенага тыпу разлічана на 76 пасажыраў: 12 месцаў у бізнэс-класе і 64 месцы ў эканом-класе.

Выбар рэдакцыі

Грамадства

Не параўноўвайце сябе з іншымі. Як таксічныя людзі атручваюць наша жыццё?

Не параўноўвайце сябе з іншымі. Як таксічныя людзі атручваюць наша жыццё?

У нашым акружэнні практычна заўсёды знойдзецца песіміст, нечым пакрыўджаны, запальчывы чалавек, вакол якога заўсёды скандалы і звадкі. 

Грамадства

Па ўсёй краіне наступіў час школьных базараў

Па ўсёй краіне наступіў час школьных базараў

Скідкі, растэрміноўкі і шырокі асартымент

Грамадства

Чаму знікае вада з кранаў

Чаму знікае вада з кранаў

Спёка — час для эканоміі ці паліву агародаў?