У адрас Прэзідэнта Беларусі Аляксандра Лукашэнкі і беларускага народа паступаюць шматлікія віншаванні з 76-годдзем Перамогі ў Вялікай Айчыннай вайне. Адпаведныя пасланні з пажаданнямі дабрабыту, міру і працвітання беларускага народа накіроўваюць замежныя лідары, кіраўнікі інтэграцыйных аб’яднанняў, вядомыя дзеячы розных сфер. Пра гэта паведамілі ў прэс-слежбе кіраўніка беларускай дзяржавы.
«Дзень Перамогі — свяшчэннае свята для расіян і беларусаў. У нашых краінах заўсёды будуць памятаць пра вялікія подзвігі і незлічоныя ахвярах тых, хто абараняў родную зямлю на перадавой і ў партызанскіх атрадах, працаваў у тыле, хто вызваляў іншыя краіны ад нацысцкага прыгнёту. Наш агульны абавязак — акружыць увагай і клопатам удзельнікаў вайны, цвёрда адстойваць праўду пра трагічныя падзеі тых гадоў, разам супрацьстаяць любым спробам фальсіфікацыі гісторыі. Прашу перадаць усім беларускім ветэранам самыя добрыя пажаданні здароўя, дабрабыту, бадзёрасці духу і доўгіх гадоў жыцця», — гаворыцца ў віншаванні ад прэзідэнта Расійскай Федэрацыі Уладзіміра Пуціна.
Прэзідэнт Казахстана Касым-Жамарт Такаеў падкрэсліў, што ў гэты свяшчэнны дзень мы з асаблівым пачуццём гонару і падзякі адзначаем бяспрыкладны подзвіг бацькоў і дзядоў, якія самааддана кавалі на палях бітваў і ў тыле Перамогу над фашызмам у імя мірнага жыцця будучых пакаленняў. «Перакананы, слаўныя традыцыі непарушнай дружбы, братэрства і ўзаемнай падтрымкі будуць і надалей служыць трывалай асновай ўмацавання стратэгічнага партнёрства паміж Казахстанам і Беларуссю», — адзначыў ён.
«Я вельмі рады таму, што Вялікая Перамога аб’ядноўвае нашы народы і з’яўляецца адным з самых яркіх сімвалаў дружбы паміж Казахстанам і Беларуссю, правераных сумеснай гісторыяй і змацаваных мільёнамі нітак чалавечых лёсаў», — адзначыў у віншавальным пасланні Першы Прэзідэнт Казахстана Нурсултан Назарбаеў.
Прэзідэнт Азербайджана Ільхам Аліеў у віншавальным пасланні адзначыў, што Дзень Перамогі займае асаблівае месца ў слаўным летапісе нашых народаў, як сімвал бяспрыкладнай мужнасці, гераізму і самаахвярнасці. «Перакананы, што традыцыі дружбы і узаемападтрымкі нашых народаў, з гонарам вытрымалі гады суровых выпрабаванняў у Вялікай Айчыннай вайне, і надалей будуць служыць надзейным падмуркам для далейшага развіцця і ўмацавання адносін паміж Азербайджанскай Рэспублікай і Рэспублікай Беларусь», — гаворыцца ў віншаванні ад азербайджанскага лідара.
Віншавальныя пасланні таксама паступілі ад кіраўніцтва Арменіі — Прэзідэнта Армена Саркісяна і кіраўніка ўрада Нікола Пашыняна.
Гераізм і бяспрыкладны подзвіг ўсіх тых, хто ўнёс вырашальны ўклад у дасягненне міру, назаўжды застанецца ў нашых сэрцах, а Дзень Перамогі — сімвалам яднання нашых народаў. Упэўнены, што вернасць памяці нашых агульных герояў будзе служыць цвёрдым арыенцірам для развіцця супрацоўніцтва паміж Арменіяй і Беларуссю на карысць народаў нашых краін», — гаворыцца ў віншаванні ад Нікола Пашыняна.
«Нашы народы ўнеслі важкі ўклад у дасягненне Вялікай Перамогі, праявіўшы выключную доблесць, мужнасць і згуртаванасць. Сёння наш абавязак — зберагчы мір і свабоду як самае каштоўнае, што падарыла нам пакаленне Пераможцаў», — падкрэсліў Армен Саркісян.
Прэзідэнт Таджыкістана Эмамалі Рахмон падкрэсліў, што 9 мая — знамянальная дата ў сучаснай гісторыі нашых краін. «У гэты дзень мы ўшаноўваем бяспрыкладны гераізм, мужнасць, патрыятызм і стойкасць нашых продкаў у бязлітаснай барацьбе супраць ворага, шануем памяць тых, хто сваёй гераічнай працай каваў перамогу ў тыле, — гаворыцца ў віншаванні. — Перакананы, што таджыкска-беларускія адносіны дружбы і шматпланавага супрацоўніцтва, аснову якіх сёння складаюць прынцыпы стратэгічнага партнёрства, і надалей будуць развівацца і прымнажаць ў адпаведнасці з карэннымі інтарэсамі нашых народаў».
«Мы ніколі не забудзем, якой цаной была заваявана Вялiкая Перамога. Памяць пра подзвіг доблесных воінаў і працаўнікоў тылу назаўжды застанецца ў нашых сэрцах. Яна будзе служыць высокім маральным арыенцірам, асабліва для маладога пакалення, узорам стойкасці і адвагі, патрыятызму і самаадданага служэння Радзіме, — падкрэсліў Прэзідэнт Узбекістана Шаўкат Мірзіёеў. — Перакананы, што сумеснымі намаганнямі, абапіраючыся на наш гістарычны вопыт і зыходзячы з сённяшніх рэалій, мы будзем і далей умацоўваць традыцыйныя узбекскай-беларускія адносіны дружбы і шматпланавага супрацоўніцтва на карысць нашых краін і народаў».
Прэзідэнт Кыргызстана Садыр Жапараў у віншавальным пасланні папрасіў перадаць беларускім ветэранам вайны і тылу словы ўдзячнасці за Перамогу і нізкі паклон. «Упэўнены, што падзеі нашай агульнай гісторыі будуць спрыяць далейшаму развіццю адносін паміж Кыргызстанам і Беларуссю ў духу партнёрства і ўзаемавыгаднага супрацоўніцтва», — гаворыцца ў віншаванні.
«Дзень Перамогі — гэта светлае свята, якое абвяшчае ідэю мірнага суіснавання, добрай волі і гуманізму, — адзначыў у сваім віншавальным пасланні Прэзідэнт Туркменістана Гурбангулы Бердымухамедаў. — Перакананы, што вечная памяць аб вялікім подзвігу нашых продкаў будзе і далей служыць трывалай асновай для далейшага ўмацавання адносін дружбы і ўсебаковага супрацоўніцтва паміж нашымі краінамі».
Віншавальнае пасланне таксама паступіла ад Прэзідэнта Сірыі Башара Асада. Прэзідэнту і народу Беларусі ён адрасаваў шчырыя віншаванні з Днём Перамогі, пажадаў стабільнасці, далейшага прагрэсу і росквіту. «Карыстаючыся выпадкам, выказваю вам наша імкненне актывізаваць узаемадзеянне для адкрыцця новых перспектыў у супрацоўніцтве паміж нашымі краінамі ва ўсіх сферах на карысць нашых двух дружалюбных народаў», — адзначыў сірыйскі лідар.
Віншаванні ў адрас Прэзідэнта Беларусі паступілі і ад высокіх службовых асоб Расійскай Федэрацыі — старшыні ўраду Міхаіла Мішусціна, намесніка старшыні Савета бяспекі Дзмітрыя Мядзведзева, старшыні Савета Федэрацыі Федэральнага сходу Валянціны Мацвіенка.
Віншуюць Прэзідэнта Беларусі і грамадзяне Украіны, беларусы, якія пражываюць у гэтай краіне. Так, на адрас Аляксандра Лукашэнкі паступіла віншаванне ад Усеўкраінскага саюза беларусаў. «Прыміце шчырыя і сардэчныя віншаванні ад трохсоттысячнай беларускай дыяспары Украіны з Днём Вялікай Перамогі над фашызмам. Пражываючы за межамі гістарычнай Радзімы, мы бачым, які велізарны клопат у Рэспубліцы Беларусь вы праяўляеце па падтрымцы ветэранаў, робіце ўсё па захаванню памяці аб агульным гераічным мінулым беларусаў, рускіх, украінцаў і іншых народаў нашай агульнай Айчыны», — гаворыцца ў ім.
Віншаванні ў адрас кіраўніка беларускай дзяржавы і народа са святам Перамогі працягваюць паступаць.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
