Вы тут

У Магілёве прайшоў флэшмоб «Вальс Перамогі»


У флэшмобе «Вальс Перамогі», які прайшоў у Магілёве каля Дома ветэранаў, узялі ўдзел маладыя спецыялісты сфер культуры і адукацыі горада, актыў абласнога і гарадскога ГА «БРСМ», навучэнцы розных устаноў. Яны падрыхтавалі тэматычнае віншаванне для ветэранаў, выканалі песні ваенных гадоў, уручылі памятныя падарункі.


Фота: mogilev.gov.by

— Магілёўскі Дом ветэранаў дорыць сваім жыхарам галоўнае, у чым мае патрэбу кожны пажылы чалавек, — утульнасць і ўвагу. Цяпер у нас жывуць восем ветэранаў Вялікай Айчыннай вайны, — удакладняе дырэктар Дома ветэранаў Наталля Банькоўская. — Дзень Перамогі — самае дарагое для іх свята. Яны заўсёды чакаюць яго з асаблівым хваляваннем, рыхтуюцца. А як яны рады гасцям! Ні адзін ветэран не застаецца без падарункаў і ўвагі кіраўніцтва горада. Іх наведваюць таксама і валанцёры. На жаль, сёння толькі некаторыя ветэраны прысутнічаюць на вуліцы на канцэрце, астатнія назіраюць са свайго акна (з-за праблем са здароўем). Традыцыйна да акцыі далучыліся жыхары нашага мікрараёна.

Дарэчы, некалькі дзясяткаў віншавальных паштовак і іншых падарункаў для ветэранаў да Дня Перамогі падрыхтавалі навучэнцы Магілёўскага медыцынскага каледжа. Свае работы «з душой» яны ўручылі падчас флэшмоба «Вальс Перамогі». Ветэран Вялікай Айчыннай вайны Фёдар Крываногаў — адзін з тых, хто прымаў ад іх віншаванні. Фёдару Іванавічу споўнілася 96. Доўгачаканую перамогу ён сустрэў у Польшчы, быў стралком-радыстам. За мужнасць на вайне ўзнагароджаны медалямі «За перамогу над Германіяй», «За ўзяцце Кёнігсберга», «За ўзяцце Берліна», «За баявыя заслугі». Мае таксама ордэн Вялікай Айчыннай вайны ІІ ступені.

— Дзень Перамогі — гэта радаснае, асаблівае свята са слязамі на вачах. Хай нашы дзеці і ўнукі жывуць пад мірным небам, ніколі не зазнаюць тых жахаў вайны, якія мы перажылі, — пажадаў шаноўны ветэран і дадаў, што падзеі тых гадоў згуртавалі людзей з абсалютна рознымі лёсамі, у якіх была адзіная мэта — мірнае жыццё.

Таццяна МАЛІНІНА

 Фота аўтара

Выбар рэдакцыі

Грамадства

«Пухнацікі» ў горадзе. На вуліцах і ў крамах з'явіўся навагодні антураж

«Пухнацікі» ў горадзе. На вуліцах і ў крамах з'явіўся навагодні антураж

Здаецца, з кожным годам упрыгожваць сталіцу і абласныя цэнтры да Новага года пачынаюць усё раней і раней.

Грамадства

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Намеснік міністра працы і сацыяльнай абароны Марына АРЦЁМЕНКА адзначыла, што дзяржава праводзіць сістэмную палітыку па падтрымцы і рэабілітацыі людзей з інваліднасцю.

Культура

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

Але знаўцы здаўна яго называюць проста рускі — і ўсе разумеюць, пра што гаворка, маючы пры гэтым на ўвазе ўсе заслугі тэатра і тых асоб, якія складалі яго калектыў у розныя гады.