Таццяна Сталярова, аспірантка кафедры «Экалогія і хімічныя тэхналогіі» Віцебскага дзяржаўнага тэхналагічнага ўніверсітэта ўзнагароджана дыпломам першай ступені праекта «Лепшы малады вучоны — 2021», арганізаванага Міжнароднай асацыяцыяй маладых навукоўцаў (штаб-кватэра ў Казахстане, г. Нур-Султан). Пра гэта паведамляецца на сайце ВНУ, у якой вучыцца пераможца.
Тэма працы віцяблянкі: «Аптымальныя параметры фарміравання шматслойнага трыкатажнага матэрыялу для верху спартыўнага абутку». Ёй былі праведзены даследаванні па вызначэнні трываласці сувязі паміж пластамі (паралон, мембрана, трыкатажнае палатно з тэрмаклеявым пакрыццём). У выніку працы вызначаны аптымальныя параметры фарміравання шматслойнага матэрыялу з пералічаных слаёў.
Безумоўна, гэта дазволіць і павысіць якасць беларускай абутковай прадукцыі, якая штогод усе больш папулярная не толькі на айчынным рынку, але і за мяжой.
Аляксандр ПУКШАНСКІ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».