Вы тут

​Парк высокіх тэхналогій. Падаткі ад ІТ-галіны працягваюць расці, і не толькі


Кампаніі Парку высокіх тэхналогій у першым квартале гэтага года пералічылі ў бюджэт 158 мільёнаў рублёў падаткаў. Гэта амаль у два разы больш, чым у мінулым годзе, паведамляе Міністэрства па падатках і зборах Беларусі. Больш за тое, гэта рэкордная сума падаткаў, якую заплацілі айцішнікі з ПВТ за адзін квартал у апошнія два гады.


investinbelarus.by

Характэрна, што да гэтага рэкордным быў чацвёрты квартал мінулага года. Тады рэзідэнты Парку заплацілі амаль 124 мільёны рублёў. Але за першыя тры месяцы гэтага года ранейшы рэкорд быў пабіты адразу на 27 %. Як адзначае падатковае ведамства, з аднаго рэзідэнта ПВТ бюджэт атрымаў у студзені-сакавіку ў сярэднім 155 тысяч рублёў падаткаў (амаль 60 тысяч долараў). Гэта на 30 % больш, чым за першы квартал мінулага года, і на 20,5 % больш, чым за чацвёрты квартал 2020 года.

Дарэчы, на падатковыя адлічэнні паўплываў набор стандартных фактараў: пашырэнне ПВТ за кошт новых рэзідэнтаў, дзейнасць ІТ-кампаній і рост заробкаў у сектары ў рублях, у тым ліку з улікам росту курсаў замежных валют.

Амаль 90 % усіх плацельшчыкаў падаткаў з парку зарэгістравана ў Мінску. За студзень—сакавік сума выплачаных імі падаткаў вырасла на 81 % да 143,1 мільёна рублёў. Гэта 91 % ад усіх падаткаў, якія заплацілі рэзідэнты ПВТ.

Спецыяліст ПВТ летась заплаціў падаткаў у 3,5 разы больш, чым сярэдні работнік у эканоміцы

Пра гэта заявіў дырэктар Парку высокіх тэхналогій Усевалад Янчэўскі, які падзяліўся некаторымі цікаўнымі фактамі. Паводле яго інфармацыі, сярэдні работнік кампаніі-рэзідэнта ПВТ заплаціў за мінулы год 6 835 рублёў падаходнага падатку. Гэта ў 3,5 разы больш, чым заплаціў сярэдні работнік у эканоміцы.

Усяго за мінулы год рэзідэнты Парку заплацілі ў бюджэт 418 мільёнаў рублёў падаткаў. Гэта на 38 % больш, чым у 2019 годзе. Калі параўнаць ПВТ з органамі дзяржкіравання і арганізацыямі, падпарадкаванымі ўраду, то па суме выплачаных падаткаў Парк на трэцім месцы. Рэзідэнты ПВТ заплацілі больш падаткаў, чым Мінсувязі, МУС, Мінтранс і іншыя ведамствы.

Экспарт ПВТ за 2020 годзе перавысіў 2,7 мільярда долараў. Паводле інфармацыі партала dev.by, у нашай краіне сёння застаецца каля 88 % усёй валютнай выручкі. А экспарт камп’ютарных паслуг на душу насельніцтва ў Беларусі складае 224 долары (дадзеныя па выніках 2019 года). Для параўнання, у ЗША гэты паказчык складае 110 долараў, у Індыі — 45 долараў, у Кітаі — 39 долараў.

Характэрна, што ў мінулым годзе ў Парк ўступілі 236 новых рэзідэнтаў, у сакавіку гэтага года — яшчэ 65. Сёння ў ПВТ ўваходзіць 1021 кампанія. Цікава, што за апошнія чатыры гады колькасць прадуктовых кампаній у ПВТ вырасла ў 13 разоў.

pixabay.com

Што мы можам?

Беларускія эксперты распрацавалі электронную дэбетавую карту для іспанскага рынку. У планах-запуск электроннага банка на базе рэактыўнага праграмавання.

Фінтэх-Кампанія ID Finance з офісам распрацоўкі ў Мінску стварыла для іспанскага рынку пазабанкаўскі прадукт Plazo — электронную дэбетавую карту з магчымасцю авердрафту. Работу над праектам каманда распачала ў жніўні 2020 года, а ў пачатку красавіка адбыўся запуск прадукту. У планах — маштабаваць сэрвіс і на мексіканскі рынак, дзе ID Finance таксама вядзе сваю дзейнасць.

Гэта сапраўды так. Мінск стаў тэхнічным цэнтрам распрацоўкі Plazo. Каманда беларускай IT-кампаніі была ўцягнутая ў праект з самага пачатку: пошук вендараў, правядзенне перамоў, абмеркаванне функцыяналу, збор і фармалізацыя патрабаванняў, распрацоўка праекта і яго дадаткаў з нуля.

Зараз распрацаванае прыкладанне дазваляець ідэнтыфікаваць кліента, выкарыстоўваючы OCR-тэхналогіі, выпусціць віртуальную картку і даць поўны набор неабходнага кліенту функцыяналу для працы з карткамі. Каманда таксама стварыла CRM-сістэму для customer support, рэалізавала тэхнічную магчымасць прывязваць карты да сэрвісаў ApplePay і GooglePay (GooglePay пакуль не з’явіўся ў Беларусі, але папулярны ў Іспаніі) і афармляць авердрафт. Бяспека выпуску картак і правядзення транзакцый забяспечвае тэхналагічны партнёр ID Finance-кампанія PeckunPay.

— Калі стартуе праект, які арыентаваны на выкарыстанне найноўшых тэхналогій, гэта выклікае цікавасць. Наша каманда змагла прымяніць самыя апошнія тэхналогіі і распрацоўкі і «зацягнуць» у прадукт тое, што цяпер ёсць на рынку. Так, Тэхналогія Terraform апісвае ў выглядзе кода ўсю нашу інфраструктуру і дазваляе хутка нарасціць неабходную колькасць тэставых стэндаў для бяспечнага тэставання і тэрміновай дастаўкі функцыяналу на прадакшн. Для распрацоўкі мабільнага прыкладання выкарыстоўвалі праграмную платформу Flutter — яна дазваляе запусціць практычна адначасова прыкладанні для iOS і Android, так як выкарыстоўваецца адзіная кодавая база. Таксама ў праекце ўжытыя тэхналогіі рэактыўнага праграмавання, каб забяспечыць максімальную прадукцыйнасць для нашых будучых кліентаў — распавядае project-менеджэр праекта Es Card кампаніі ID Finance Іван Зарэцкі. Менавіта ён кіруе камандай распрацоўнікаў у Мінску.

Plazo дазваляе эмітаваць электронную дэбетавую картку MasterCard (у перспектыве плануецца і VISA) і аформіць на яе аднаўляльную крэдытную лінію (авердрафт). Пасля прадукт можа скласці канкурэнцыю прадуктам неабанкаў N26, Revolut, Bnext, якія даволі паспяхова функцыянуюць на іспанскай рынку. Па словах менеджменту кампаніі, не выключана, што Plazo можа стаць паўнавартасным электронным банкам Іспаніі пасля атрымання e-money license. Электронны банк дазваляе, не выходзячы з хаты, атрымліваць поўны спектр банкаўскіх паслуг анлайн, працуючы без традыцыйных фізічных філіяльных сетак.

PR-менеджэр айчыннай кампаніі Аліна Малахава адзначыла, што сёння ў нашай краіне дзейнасць банкаўскіх і ваколбанкоўскіх структур могуць весці толькі арганізацыі, якія маюць ліцэнзію на вядзенне дзейнасці катэгорыі «Банк». «Таму казаць аб магчымасцях ўкаранення ў нашай краіне электроннага банка пакуль, ва ўсякім выпадку, заўчасна. Але, вядома, тэхналогіі так хутка развіваюцца, верагодна, заканадаўства могуць змякчыцца, тады такая магчымасць становіцца ўсё больш рэальнай», — адзначыла спецыяліст.

pixabay.com

Зроблена для краіны

А напрыклад, кампанія ПВТ — LWO — у ліку лідараў па пастаўцы фінансавага прадукту на беларускі рынак. Практычна ўсе банкі краіны ў ліку іх кліентаў. Самы вядомы праект «Аплаці» ўжо шчыльна ўвайшоў у наша паўсядзённае жыццё.

Разлічыцца на адлегласці, атрымаць зніжкі і нават выйграць сталічную кватэру ... Больш за 350 000 актыўных карыстальнікаў ўжо ацанілі зручнасць і камфорт гэтага прыкладання. Сістэма «Аплаці» пабудавана на электронных грошах, гэта больш гнуткая версія плацежных адзінак у адносінах да традыцыйных. Рэальныя грошы пры ўваходзе ў сістэму захоўваюцца ў банку эмітэнце, а ў сістэме працуюць электронныя.

Адсканаваць QR для разлікаў стала добрым тонам у нашых паўсядзённых рэаліях, каб лішні раз не дакранацца наяўных грошай і старонніх прадметаў, тым больш у людных месцах. Мабільны тэлефон заўсёды пад рукой, а яшчэ чытае QR з адлегласці больш за два метры. Гэта вельмі зручна ў транспарце, на вакзале або краме, дзе дазваляе трымаць сацыяльную дыстанцыю з касірам у 1,5 — 2 метра. А яшчэ перадаць грошы адзін аднаму імгненна без камісіі, заправіцца не выходзячы з аўтамабіля...

На першы погляд амаль звычайнае мабільнае прыкладанне, якіх сёння дзясяткі прапануюць спампаваць у App Store і Play Store, аказваецца сапраўды самастойным арганізмам з мноствам дадатковых і патрэбных у нашай паўсядзённым жыцці зручных магчымасцяў. Прычым кожны ў ім знойдзе свой набор карысных функцый. А яшчэ з ім лёгка эканоміць як звычайнаму карыстачу, так і бізнэсоўцу. Эквайрынг у «Аплаці. Бізнес» — у сярэднім 0,45 %. Таксама прадпрымальнікам можна стварыць гандлёвую пляцоўку прама ў дадатку, без выдаткаў на сайты і каталогі. Не трэба купляць дарагія тэрміналы, дастаткова мабільнага тэлефона.

Вось так. І ўсё гэта зроблена нашымі мясцовымі айцішнікамі.

Сяргей КУРКАЧ

Выбар рэдакцыі

Грамадства

Ігар Петрышэка: «ЦТ — спаборніцтва, і перамога ў ім павінна быць чэснай!»

Ігар Петрышэка: «ЦТ — спаборніцтва, і перамога ў ім павінна быць чэснай!»

Сацыяльнае дыстанцыраванне і напаўняльнасць да 50 чалавек — такія патрабаванні да аўдыторый ЦТ.

Культура

22 чэрвеня 1941 года раздзяліла жыццё беларусаў на «да» і «пасля»

22 чэрвеня 1941 года раздзяліла жыццё беларусаў на «да» і «пасля»

Яны яшчэ не ведалі, што наперадзе — доўгія тры гады жыцця пад акупацыяй. 

Грамадства

Ва ўсім вінаваты... заяц. Як не падхапіць інфекцыю на прыродзе і падчас сельгасработ

Ва ўсім вінаваты... заяц. Як не падхапіць інфекцыю на прыродзе і падчас сельгасработ

Выпадак захворвання тулярэміяй зарэгістраваны ў чэрвені.