Вы тут

Галоўчанка: Трэба інтэнсіфікаваць развіццё рэгіёнаў з улікам канкурэнтных пераваг


Неабходна інтэнсіфікаваць развіццё рэгіёнаў з улікам канкурэнтных пераваг. Аб гэтым заявіў прэм’ер-міністр Раман Галоўчанка падчас рабочай паездкі ў Брэсцкую вобласць, перадае БЕЛТА.


Раман Галоўчанка прыняў удзел у пасяджэнні Баранавіцкага гарвыканкама, дзе былі разгледжаны вынікі выканання плана мерапрыемстваў па ўстойлівым сацыяльна-эканамічным развіцці горада на перыяд да 2020 года. Згодна з гэтым планам, прадугледжвалася рэалізацыя 149 мерапрыемстваў. На 1 студзеня бягучага года з іх выканана 119.

«Мы пачалі падвядзенне вынікаў выканання планаў развіцця адміністрацыйна-тэрытарыяльных адзінак з колькасцю насельніцтва 80 тыс. і вышэйшай. Мінула тры гады з моманту пачатку іх рэалізацыі, і на прыкладзе Баранавіч мы разглядаем вынікі. Што ўдалося зрабіць за гэты час, якія вывады неабходна зрабіць, а якія праблемы, недапрацоўкі трэба ўлічыць для таго, каб пазбегнуць іх у новай праграме сацыяльна-эканамічнага развіцця рэгіёнаў, якая будзе дзейнічаць у бягучай пяцігодцы», — падкрэсліў прэм’ер-міністр.

Паводле яго слоў, зроблена нямала, выканана больш за 80 працэнтаў мерапрыемстваў, якія былі закладзены ў праграме. «Гэтыя мерапрыемствы стварылі глебу для таго, каб зрабіць якасны скачок», — сказаў ён. Аднак ёсць тыя, хто недапрацаваў пры выкананні задач.

«Мы павінны паказаць сумленную карціну таго, як выкананы задачы паскоранага развіцця. Паказчыкі — гэта ўсяго толькі маркеры, яны могуць не адлюстроўваць усю паўнату сітуацыі, паколькі могуць падпадаць пад уплыў суб’ектыўных фактараў. Наша задача — прааналізаваць, што і чаму не атрымалася», — дадаў кіраўнік урада.

«Ключавая задача заключаецца ў пошуку тых цэласных праектаў, якія дадуць магчымасць усе канкурэнтныя перавагі рэгіёнаў ператварыць у грашовы эфект. Задачы адпаведныя пастаўлены і рэспубліканскім, і мясцовым органам дзяржкіравання. Будзем глядзець усе астатнія рэгіёны і інтэнсіфікаваць працэс іх развіцця. Праграма, можна сказаць, першы этап прайшла», — канстатаваў ён.

Раман Галоўчанка таксама наведаў прадпрыемства ЗТАА «Белдан» і ААТ «Птушкафабрыка «Дружба». «Мы сёння на практыцы паглядзелі, як працуюць прадпрыемствы розных форм уласнасці — прыватнае і дзяржаўнае, — адзначыў прэм’ер-міністр. — Гэта прыклад добрых інвестыцыйных праектаў, якія рэалізуюцца ў тым ліку пры падтрымцы дзяржавы, якая патанняе крэдытныя рэсурсы, што накіроўваюцца на стварэнне гэтых вытворчых магутнасцей як для прыватнага вытворцы, так і для дзяржкампаніі».

Прэв'ю: БЕЛТА.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».