Вы тут

На выхадных — старт рэспубліканскай акцыі «Дорым радасць!»


На выхадных Беларускі саюз жанчын дае старт рэспубліканскай акцыі «Дорым радасць!», прысвечанай Міжнароднаму дню абароны дзяцей. Падчас акцыі валанцёры і сябры арганізацыі плануюць навесці парадак на дзіцячых пляцоўках краіны.


Фота: oobsg.by

«Мы спадзяёмся, што ў некаторых рэгіёнах нам удасца не толькі навесці парадак, але і тэхнічна ўладкаваць дзіцячыя пляцоўкі і добраўпарадкаваць дваровыя тэрыторыі, — сказала першы намеснік старшыні ГА «БСЖ» Святлана СІТНІКАВА. — Самыя актыўныя члены арганізацыі са сваімі сем'ямі плануюць выходзіць на гэтую акцыю не толькі ў выхадныя, але і па буднях. Мы спадзяёмся, што да лета нашы дзіцячыя пляцоўкі будуць мець прывабны выгляд.

Акцыя будзе доўжыцца з 16 мая да 1 чэрвеня.

На сёння першаснымі арганізацыямі пададзена каля 30 заявак на правядзенне мерапрыемства. Так, напрыклад, на гэтых выхадных члены арганізацыі будуць наводзіць парадак на тэрыторыі Магілёўскага спецыялізаванага дома дзіцяці для дзяцей з пашкоджаннем цэнтральнай нервовай сістэмы. Самі члены прэзідыума Беларускага саюза жанчын на чале са старшынёй БСЖ першым намеснікам міністра аховы здароўя Аленай БОГДАН прымуць удзел у добраўпарадкаванні дваровай тэрыторыі і дзіцячай пляцоўкі на вуліцы Чачота ў Мінску.

Наталля ТАЛІВІНСКАЯ

Загаловак у газеце: На радасць дзецям

Выбар рэдакцыі

Грамадства

«Пухнацікі» ў горадзе. На вуліцах і ў крамах з'явіўся навагодні антураж

«Пухнацікі» ў горадзе. На вуліцах і ў крамах з'явіўся навагодні антураж

Здаецца, з кожным годам упрыгожваць сталіцу і абласныя цэнтры да Новага года пачынаюць усё раней і раней.

Грамадства

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Намеснік міністра працы і сацыяльнай абароны Марына АРЦЁМЕНКА адзначыла, што дзяржава праводзіць сістэмную палітыку па падтрымцы і рэабілітацыі людзей з інваліднасцю.

Культура

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

Але знаўцы здаўна яго называюць проста рускі — і ўсе разумеюць, пра што гаворка, маючы пры гэтым на ўвазе ўсе заслугі тэатра і тых асоб, якія складалі яго калектыў у розныя гады.