Вы тут

«Вы першымі прыходзіце на дапамогу людзям» — Аляксандр Лукашэнка павіншаваў атрад спецпрызначэння «Зубр» МНС з 30-годдзем


Прэзідэнт Беларусі Аляксандр Лукашэнка павіншаваў з 30-годдзем з дня ўтварэння Рэспубліканскага атрада спецыяльнага прызначэння «Зубр» МНС работнікаў, ветэранаў, а таксама ўсіх, хто ствараў, служыў і быў датычны да станаўлення гэтага атрада, паведамілі ў прэс-службе кіраўніка дзяржавы.


«Прысвяціўшы сябе высакароднай справе, вы першымі прыходзіце на дапамогу людзям, якія трапілі ў бяду. Праяўленыя высокі прафесіяналізм, асабістая мужнасць і адвага ў ліквідацыі тэхнагенных аварый і наступстваў стыхійных бедстваў як у Беларусі, так і за мяжой стварылі імідж атрада, здольнага аператыўна і якасна вырашаць задачы любой складанасці, часам ва ўмовах павышанай рызыкі», — гаворыцца ў віншаванні.

Кіраўнік дзяржавы адзначыў, што кампетэнцыі асабістага складу заслужана пацверджаны міжнароднымі сертыфікатамі.

«Перакананы, што, з’яўляючыся неад’емнай часткай структур Калектыўных сіл аператыўнага рэагавання АДКБ і Корпуса сіл СНД, падраздзяленні атрада працягнуць умацоўваць традыцыі міжнароднай ўзаемадапамогі ў пераадоленні надзвычайных сітуацый», — падкрэсліў Прэзідэнт.

Аляксандр Лукашэнка пажадаў работнікам і ветэранам атрада спецпрызначэння «Зубр» здароўя, шчасця, дабрабыту, паспяховай і бяспечнай службы на карысць народа і сваёй Айчыны.

Выбар рэдакцыі

Грамадства

Як арганізаваць правільны догляд за валасамі гарачай парой

Як арганізаваць правільны догляд за валасамі гарачай парой

У 90 % выпадкаў людзі не ведаюць, як правільна мыць галаву.