Вы тут

Спецыялістаў-палітолагаў пачнуць рыхтаваць завочна


У БДУ з новага навучальнага года распачнуць рыхтаваць палітолагаў на завочнай форме навучання. Да цяперашняга часу навучанне спецыялістаў дадзенага профілю ажыццяўлялася толькі ў вочным фармаце на юрыдычным факультэце ўніверсітэта. Адкрыццё завочнага набору абумоўлена запатрабаванасцю палітолагаў у органах кіравання, ведамствах, аналітычных цэнтрах, бізнес-арганізацыях, а таксама неабходнасцю стварэння ўмоў для атрымання профільнай адукацыі супрацоўнікамі, якія працуюць у палітыка-прававой і ідэалагічнай сферы.


Фота: БелТА

Прыём абітурыентаў пройдзе ў адпаведнасці з зацверджанымі правіламі паступлення ў беларускія ВНУ. Галоўнай умовай паступлення з’яўляецца наяўнасць сертыфікатаў ЦТ па трох прадметах: рускай або беларускай мове, гісторыі Беларусі і грамадазнаўстве, а таксама стаж працы любой працягласці па профілі.

Плануецца прыём на бюджэтную і платную формы навучання. Кафедра паліталогіі юрыдычнага факультэта БДУ сёння з’яўляецца лідарам у Беларусі па падрыхтоўцы спецыялістаў палітыка-прававога профілю. За трыццацігадовы перыяд яе дзейнасці кваліфікацыю «палітолаг-юрыст» атрымалі больш за 650 спецыялістаў.

Палітолаг — гэта спецыяліст з фундаментальнай адукацыяй і маштабным кругаглядам, які валодае міждысцыплінарнымі ведамі на стыку паліталогіі, юрыспрудэнцыі, эканомікі, аналітычнымі навыкамі ў галіне грамадска-палітычнага прагназавання і праектавання.

Дадатковую інфармацыю можна знайсці на сайтах «Абітурыент БДУ» і юрыдычнага факультэта

Надзея НІКАЛАЕВА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».