У Мінску легкавік збіў на пераходзе 14-гадовую дзяўчынку на электрасамакаце

У Мінску «Хёндэ» збіў на пешаходным пераходзе 14-гадовую дзяўчынку на электрасамакаце, паведамілі БЕЛТА ва УДАІ ГУУС Мінгарвыканкама.

Інцыдэнт адбыўся сёння прыкладна ў 10:10. «Кіроўца аўтамабіля „Хёндэ“ рухаўся па пр-це Пушкіна з боку вул. Матусевіча здзейсніў наезд на 14-гадовую дзяўчынку. Падлетак на электрасамакаце перасякала праезную частку па рэгуляваным пешаходным пераходзе на забараняльны сігнал святлафора», — распавялі падрабязнасці ў Дзяржаўтаінспекцыі.

Дзяўчынка атрымала цялесныя пашкоджанні і была дастаўлена ў бальніцу для агляду.

Па факце ДТЗ праводзіцца праверка.

Прэв’ю: УДАІ ГУУС Мінгарвыканкама