Вы тут

У Нацыянальнай бібліятэцы адкрыецца фотавыстава «Птушкі Палесся»


Фотавыстава «Птушкі Палесся» адкрыецца 19 мая ў Нацыянальнай бібліятэцы Беларусі, паведамілі на сайце ўстановы культуры.


Выстава раскажа пра разнастайнасць і багацце беларускай прыроды. Яе галоўная мэта — прыцягнуць увагу да ўнікальных відаў птушак, нагадаць пра хараство палескага краю, а таксама звярнуць увагу на праблемы экалагічнага стану, відавой разнастайнасці і зацікавіць сучасным экалагічным хобі — бёрдвотчынгам.

«Гэта своеасаблівае падарожжа па Палессі з фатаграфіямі палескіх птушак і асяроддзя іх пражывання. Аўтары работ — беларускія фатографы Мікалай Варабей, Андрэй Шэўчык, Павел Лычкоўскі, Віктар Казлоўскі, Арцём Турлай, Васіль Федасенка і Сяргей Козак. Убачыць чорнага бусла або барадатую кугакаўку, навучыцца адрозніваць як мага больш відаў птушак, ведаць іх прывычкі і іншыя асаблівасці, палюбавацца ўнікальнай разнастайнасцю крылатых жыхароў Палесся — усё гэта можа зрабіць бёрдвотчар падчас падарожжа і наведвальнікі выставы «Птушкі Палесся», — адзначылі арганізатары.

Выстава з’яўляецца часткай праекта «Палессе — дзікая прырода без межаў», які працуе дзеля захавання дзікага асяроддзя аднаго з найвялікшых прыродных ландшафтаў Еўропы.

Арганізатары экспазіцыі — Нацыянальная бібліятэка, ГА «Ахова птушак Бацькаўшчыны» і Беларускі клуб фатографаў дзікай прыроды.

Выстава будзе працаваць да канца чэрвеня.

Выбар рэдакцыі

Грамадства

Ігар Петрышэка: «ЦТ — спаборніцтва, і перамога ў ім павінна быць чэснай!»

Ігар Петрышэка: «ЦТ — спаборніцтва, і перамога ў ім павінна быць чэснай!»

Сацыяльнае дыстанцыраванне і напаўняльнасць да 50 чалавек — такія патрабаванні да аўдыторый ЦТ.

Культура

22 чэрвеня 1941 года раздзяліла жыццё беларусаў на «да» і «пасля»

22 чэрвеня 1941 года раздзяліла жыццё беларусаў на «да» і «пасля»

Яны яшчэ не ведалі, што наперадзе — доўгія тры гады жыцця пад акупацыяй. 

Грамадства

Ва ўсім вінаваты... заяц. Як не падхапіць інфекцыю на прыродзе і падчас сельгасработ

Ва ўсім вінаваты... заяц. Як не падхапіць інфекцыю на прыродзе і падчас сельгасработ

Выпадак захворвання тулярэміяй зарэгістраваны ў чэрвені.