Вы тут

​На факультэце журналістыкі БДУ прайшоў Дзень дзіцячай журналістыкі


У яго межах адбылося ўзнагароджанне пераможцаў Рэспубліканскага конкурсу юных карэспандэнтаў і Рэспубліканскага фотаконкурсу для школьнікаў, а таксама ўручэнне сертыфікатаў удзельнікам Школы маладога журналіста.


Фота з сайта факультэта журналістыкі БДУ.

Мерапрыемства прымеркавана да 100-годдзя Беларускага дзяржаўнага ўніверсітэта. Да ўдзелу ва ўзнагароджанні былі запрошаны школьнікі ва ўзросце ад васьмі да сямнаццаці гадоў з усёй краіны, якія сталі найлепшымі.

— Журналістыка — гэта вельмі важная сфера ў нашым жыцці. Журналісты не толькі адлюстроўваюць яго, але і ствараюць рэчаіснасць, уплываюць на нашы думкі, настрой. Большасць з вас прыйдзе да нас на факультэт і ў далейшым стане будучыняй нацыянальнай журналістыкі. Вельмі хочацца, каб вашы таленты сапраўды раскрыліся, каб вы знайшлі месца ў сваім жыцці, рэалізаваліся ў нашай краіне, — адкрыла сустрэчу дэкан факультэта журналістыкі Вольга Самусевіч.

У конкурсе юных карэспандэнтаў прынялі ўдзел больш за 60 юнакоў і дзяўчат. Яны дасылалі работы, прысвечаныя памятным і гістарычным мясцінам Беларусі, жыхарам рэгіёна, актуальным падзеям у жанрах рэпартажу, інтэрв'ю, публіцыстычнага эсэ і іншых. 29 канкурсантаў сталі пераможцамі, сем атрымалі спецыяльныя прызы. У фотаконкурсе ўдзельнічалі каля 80 школьнікаў. Маладыя людзі прадставілі каля 120 фотаработ у трох намінацыях: «Публікацыя», «Відэа- і аўдыясюжэт», «Блог», якія ўжо былі апублікаваны ў СМІ ці размешчаны на лічбавых платформах. Юныя фатографы дасылалі здымкі на тэмы «Прырода», «Людзі» і «Невядомая Беларусь», найлепшымі сталі 13 чалавек. Студэнты-валанцёры факультэта журналістыкі таксама падвялі вынікі сваёй работы за вучэбны год з абітурыентамі ў Школе маладога журналіста, дзе навучалася больш за 60 прадстаўнікоў школ, гімназій і ліцэяў краіны.

— Падчас работы Школы маладога журналіста мы актыўна рыхтавалі абітурыентаў да выступлення. Слухачы мелі магчымасць папоўніць сваё партфоліа конкурснымі эсэ, фатаграфіямі і новымі артыкуламі. Упершыню на факультэце журналістыкі ў рамках 78-й студэнцкай канферэнцыі прайшла секцыя «Медыядаследаванні юных». Самыя актыўныя ўдзельнікі Школы былі ўзнагароджаны сертыфікатамі, — адзначыла валанцёр Школы маладога журналіста студэнтка факультэта журналістыкі БДУ Ксенія Сітнік.

— Кожны месяц на працягу навучальнага года моладзь была побач з намі, з валанцёрамі на факультэце. За гэты час прайшло восем сустрэч з вядомымі журналістамі, праведзена пяць конкурсаў і адна канферэнцыя, прайшлі прафарыентацыйныя выязныя сустрэчы і круглыя сталы ў рэжыме анлайн. Усё гэта паспрыяе прытоку ў прафесію такой матываванай моладзі, як вы, якая мае схільнасць да журналісцкай дзейнасці, — дадала намеснік дэкана па прафарыентацыйнай рабоце Ганна Басава.

У рамках сустрэчы дацэнт кафедры перыядычнага друку і вэб-журналістыкі факультэта журналістыкі БДУ Віктар Шымолін правёў адкрыццё фотавыставы работ пераможцаў, а для ўсіх ахвотных зладзілі экскурсію па факультэце.

Нагадаем, суарганізатарамі конкурсаў выступілі Міністэрства адукацыі, Міністэрства інфармацыі, грамадскае аб'яднанне «Беларускі саюз журналістаў», рэспубліканскія і рэгіянальныя СМІ.

Дар'я ШЛАПАКОВА

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.