Вы тут

У Баранавічах разбіўся ваенны самалёт


Самалёт ажыццяўляў палёт з аэрадрома 61-й знішчальнай авіяцыйнай базы. На ўзлёце штурмавік Як-130, які знаходзіцца на балансе 116-й Лідскай штурмавой авіябазы, урэзаўся ў прыватны дом на вуліцы Розы Люксембург. 


Фота: Наш Край.

— Падчас выканання вучэбна-трэніровачнага палёту экіпаж выявіў тэхнічную няспраўнасць, — расказала афіцыйны прадстаўнік абароннага ведамства Наталля ГАЎРУСІК. — Праявіўшы мужнасць і гераізм, пілоты імкнуліся адвесці самалёт ад населенага пункта. Пераканаўшыся, што траекторыя падзення самалёта знаходзіцца па-за жылымі дамамі, лётчыкі катапультаваліся.

Пілоты, камандзір звяна вучэбна-баявой эскадрыллі 116-й штурмавой авіябазы маёр Андрэй Уладзіміравіч Нічыпорчык і лётчык звяна лейтэнант Мікіта Барысавіч Куканенка, загінулі. Міністэрства абароны выказвае спачуванні родным і блізкім лётчыкаў. Сем’ям загінулых будзе аказана дапамога. 

Калегі характарызуюць Андрэя Нічыпорчыка як добрага спецыяліста, церпялівага і ўважлівага інструктара, які вельмі любіў неба і сваіх курсантаў. Удзельнік парадаў у складзе паветранага эшалону ў Мінску на Дзень Незалежнасці, лаўрэат міжнародных спаборніцтваў па авіядартсу. Нарадзіўся 17 кастрычніка 1987 года ў Паставах у сям’і ваеннага лётчыка-снайпера, таму з самага дзяцінства пытання аб будучай прафесіі нават не ўзнікала. Скончыў авіяцыйны факультэт Ваеннай акадэміі, служыў у Лідзе. Пілот першага класа быў падрыхтаваны да выканання баявых задач і днём, і ноччу, ва ўсіх метэаралагічных умовах. Лятаў на самалётах Як-52, Л-39, Су-25, Як-130 — на вучэбна-баявых штурмавіках рыхтаваў да палётаў маладых пілотаў. У 2016 годзе Андрэй Нічыпорчык удзельнічаў у выкананні найскладанейшага віда лётнай падрыхтоўкі — пасадцы на аэрадромны ўчастак дарогі штурмавіка Як-130. Быў узнагароджаны медалём «За бездакорную службу» 3 ступені. 

22-гадовы Мікіта Куканенка нарадзіўся ў Полацку 18 верасня 1998 года, скончыў Полацкае кадэцкае вучылішча. Быць лётчыкам марыў з дзяцінства, і мара ажыццявілася — летась лейтэнант паспяхова выпусціўся са сцен Ваеннай акадэміі. Лідская штурмавая авіябаза стала для яго першым месцам службы. Нават года не прайшло, а ён ужо паспеў асвоіць самалёты Л-39 і Як-130. Апошні свой палёт ажыццяўляў разам са сваім інструктарам.

Пацярпелых сярод насельніцтва няма. Выратавальнікі ліквідавалі наступствы авіякатастрофы. На месцы працуе Следчы камітэт, камісія Міністэрства абароны на чале з намеснікам міністра па ўзбраенні.

Вераніка КАНЮТА

Выбар рэдакцыі

У свеце

На краі бездані. Чаму Латвію захліснула пандэмія?

На краі бездані. Чаму Латвію захліснула пандэмія?

У Латвіі ўведзены жорсткі лакдаўн, каб прыпыніць распаўсюджванне COVІD-19.

Эканоміка

З «шэрымі» выплатамі цяпер лепш не рызыкаваць

З «шэрымі» выплатамі цяпер лепш не рызыкаваць

КДК выявілі 30 злачынстваў па выплаце зарплаты ў канвертах.

Эканоміка

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

 У краіне завяршаецца уборачная кампанія, скончана сяўба азімых культур.