Вы тут

Пачынаецца чэмпіянат свету па хакеі


У Рызе стартуе чэмпіянат свету па хакеі. Планетарнае першынства пройдзе ў сталіцы Латвіі з 21 мая па 6 чэрвеня. Планавалася, што турнір будуць прымаць дзве сталіцы — Мінск і Рыга. Але 18 студзеня 2021 году Міжнародная федэрацыя хакея вырашыла перанесці беларускую частку ў Рыгу праз «меркаванняў бяспекі, якія знаходзяцца па-за кантролем арганізацыі». Чэмпіянат свету прымуць дзве арэны — «Алімпійскі спартыўны цэнтр», які ўмяшчае 6000 гледачоў і «Арэна Рыга», можа прыняць 10226 гледачоў.


Фармат турніру — класічны. На папярэднім этапе 16 каманд падзелены на дзве групы. На гэтым этапе ў межах кожнай групы праходзіць аднаколавы турнір па сістэме «кожны з кожным». Чатыры лепшых каманды з кожнай групы выходзяць у плэй-офф, дзе будуць гуляць па алімпійскай сістэме: чвэрцьфіналы, паўфіналы, фінал і матч за трэцяе месца будуць складацца з аднаго матчу. Каманды, якія размесцяцца на 5-8 месцах скончаць выступленне на чэмпіянаце свету.

Усе ўдзельнікі абаронены ад вылету, так як турніры ў ніжэйшых дывізіёнах былі адменены праз пандэмію каранавіруса. На чэмпіянаце свету рэалізоўваецца канцэпцыя «пузыра» — усе матчы праходзяць без гледачоў на трыбунах, каманды жывуць у так званых чыстых зонах са многімі антыкавіднымі абмежаваннямі. Для выяўлення захворвання распрацаваныя спецыяльныя пратаколы.

У сувязі з цяжкай эпідэміялагічнай сітуацыяй і рызыкамі, якія яна выклікае, заяўка каманд была пашырана з 25 па 28 хакеістаў. Але на гульні, па-ранейшаму, дазволена выходзіць 22 ігракам, уключаючы варатароў. Галоўны трэнер нацыянальнай зборнай Міхаіл Захараў уключыў у каманду наступных ігракоў.

Варатары: Аляксей Коласаў (2002, «Дынама» Мн, КХЛ), Канстанцін Шостак (2000, «Северсталь», КХЛ), Дэні Тэйлар (1986, «Дынама» Мн, КХЛ); абаронцы: Андрэй Антонаў (1985, «Юнацтва»), Нік Бэйл (1989, «Трактар», КХЛ), Сцяпан Фалькоўскі (1996), Дзмітрый Знахаранко (1993), Ілля Шынкевіч (1989), Ілля Салаўёў (2000), Уладзіслаў Яроменка (1999, усе — «Дынама» Мн, КХЛ), Яўген Лісавец (1994 г.), Дзмітрый Корабаў (1989, абодва — «Салават Юлаеў», КХЛ), Крысціян Хенкель (1995, «Ак Барс», КХЛ); нападаючыя: Ягор Шаранговіч (1998, «Нью-Джэрсі», НХЛ), Андрэй Бялевіч (1997 г., «Тарпеда» НН, КХЛ), Джэф Плат (1985, «Салават Юлаеў», КХЛ), Арцём Дзямкоў (1989, «Дынама» Мн), Франсіс Парэ (1987), Мікіта Камароў (1988, абодва — «Авангард», КХЛ), Шэйн Прынс (1992 г., «Аўтамабіліст», КХЛ), Уладзіслаў Кадола (1996, «Северсталь», КХЛ), Сяргей Касціцын ( 1987, «Браціслава Кэпіталс», Славакія, ICEHL), Герман Несцераў (1991 г., «Гомель»), Сяргей Дрозд (1990), Станіслаў Лапачук (1992), Міхаіл Стэфановіч (1989, усе — «Юнацтва»), Даніла Клімовіч (2003 , «Мінскія зубры», вышэйшая ліга), Аляксей Протас (2001, «Херш», АХЛ).

Галоўны трэнер — Міхаіл Захараў. Трэнеры — Міхаіл Кравец, Уладзімір Вараб’ёў, Дзмітрый Карпікаў.

Як паведамляе сайт Беларускай федэрацыі хакея, зборная Беларусі — адна з самых узроставых каманд на чэмпіянаце свету. Сярэдні ўзровень ігракоў нашай каманды — 27.6 гадоў. Па гэтым паказчыку беларусы займаюць чацвёртае месца. Наперадзе — зборныя Даніі (28.25 гадоў) і Вялікабрытаніі (28.82 гадоў). Самая «дарослая» каманда турніру — гаспадары, сярэдні ўзрост зборнай Латвіі склаў 28.89 гадоў. Самыя вопытныя з беларускіх хакеістаў — абаронцы Андрэй Антонаў (36 гадоў), варатар Дэнні Тэйлар (35 гадоў) і форвард Джэфф Платт (35 гадоў). А самы малады — 18-гадовы нападаючы Даніла Клімовіч.

Сваё выступленне на чэмпіянаце свету беларускія хакеісты пачнуць у першы дзень турніру — 21 мая яны сустрэнуцца з камандай Славакіі. Поўны расклад гульняў у групе «А» выглядае так: 21 мая (пятніца) — Беларусь — Славакія (20:15); 23 мая (нядзеля) — Швецыя — Беларусь (16:15); 24 мая (панядзелак) — Чэхія — Беларусь (20:15); 26 мая (серада) — Беларусь — Вялікабрытанія (20:15); 28 мая (пятніца) — Данія — Беларусь (20:15); 30 мая (нядзеля) — Беларусь — Швейцарыя (16:15); 1 чэрвеня (аўторак) — Расія — Беларусь (20:15); 3 чэрвеня (чацвер) — чвэрцьфінальныя паядынкі; 5 чэрвеня (субота) — паўфіналы; 6 чэрвеня (нядзеля) — матч за трэцяе месца і фінал.

Усе матчы беларускай каманды ў прамым эфіры пакажа тэлеканал «Беларусь 5».


З гісторыі

Чэмпіянат свету па хакеі 2021 – 28-ы ў гісторыі беларускай зборнай і дваццаты ў эліце. Пачынаючы з адбору да групы “С”, які адбыўся ў лістападзе 1992 года, наша каманда ў межах планетарнага першынства правяла 165 матчаў, у 80 з якіх перамагала, два разы згуляла ўнічыю і пацярпела 83 паражэнні. А лепшым вынікам за ўсю гісторыю ўдзелу ў чэмпіянаце свету стала шостае месца ў 2006 годзе. Дарэчы, тады турнір таксама праходзіў у Рызе.

Валерыя СЦЯЦКО

Фота Беларуская федэрацыя хакея

Выбар рэдакцыі

Грамадства

Ці апраўдае сваю назву апошні месяц зімы? Прагноз ад Дзмітрыя Рабава

Ці апраўдае сваю назву апошні месяц зімы? Прагноз ад Дзмітрыя Рабава

Люты — ад лацінскага «фебруарыс», што азначае «ачышчэнне». 

Грамадства

Персанальныя даныя: ведаць нельга распаўсюджваць

Персанальныя даныя: ведаць нельга распаўсюджваць

Каму, калі, што, дзе і як можа давяраць пра сябе сучасны чалавек.

Грамадства

Пуд солі. Ружовая, чорная або марская — чым яны адрозніваюцца?

Пуд солі. Ружовая, чорная або марская — чым яны адрозніваюцца?

Раней было прасцей: скончылася ў доме соль — ідзеш у краму і купляеш, і ўсё зразумела.