Вы тут

Ботакс, фэйсбілдынг ці скальпель? Што абраць, каб захаваць прыгажосць?


На самыя папулярныя жаночыя пытанні пра «вечную маладосць» адказвае вядомы беларускі пластычны хірург Віктар Бар’яш.


Пачну з прызнання: калі б мне спатрэбілася пластычная аперацыя, то я б звярнулася за дапамогай да Віктара Васільевіча. Заснавальнік і кіраўнік цэнтра пластычнай хірургіі, вядучы спецыяліст, хірург вышэйшай катэгорыі, кандыдат медыцынскіх навук, дацэнт, член таварыства пластычнай, эстэтычнай і рэканструктыўнай хірургіі Рэспублікі Беларусь і Еўропы, лепшы пластычны хірург Беларусі 2016 года. Упэўнены, пазітыўны, энергічны... Яго прафесіяналізм і шматгадовы стаж хірургічнай практыкі невербальна транслююць: «Вынік будзе выдатным!»

У гэтым годзе Віктар Васільевіч адзначае свой прафесійны юбілей — 30 гадоў у галіне пластычнай хірургіі. Безумоўна, і гэтая лічба зусім не нагода, каб падводзіць вынікі. Віктар Васільевіч і сёння вельмі запатрабаваны спецыяліст, як у нашай краіне, так і за мяжой. Спецыяльна для сеткавага выдання ZVIAZDA.BY доктар знайшоў час у сваім вельмі шчыльным графіку і расказаў пра рэальнасць і міфы любімай работы. 

— Пандэмія 2020-2021 гадоў унесла істотныя карэктывы ў жыццё ўсяго свету. Наколькі значны ўрон нанёс каранавірус «індустрыі прыгажосці»?

— Асаблівы ўрон індустрыя адчула падчас першай хвалі пандэміі ўвесну 2020 года. Але зараз сітуацыя паступова выпраўляецца. Паралельна таму, як людзі вучацца жыць побач з каранавірусам, яны вяртаюцца да паўнацэннага жыцця. Становіцца больш пацыентаў, як нашых, так і з іншых краін: Расіі, ЗША, Еўропы. Нягледзячы на некаторыя абмежаванні для простых замежных турыстаў, па медыцынскіх паказаннях межы — не перашкода. Мы афармляем запрашэнне, і пацыент без праблем прыязджае да нас.

— Ад чаго перш за ўсё залежыць павелічэнне колькасці жадаючых зрабіць пластычную аперацыю?

— Гэты працэс цалкам залежыць ад таго, наколькі вядомы хірург. Што датычыцца мяне, то за апошнія гады пацыентаў стала значна больш. Гэтаму садзейнічае не толькі вопыт работы, але і даступнасць інфармацыі. У мэсэнджэрах можна знайсці ўсё: водгукі пацыентаў, артыкулы, інтэрв’ю. 

— Калі ў чалавека ўзнікае жаданне зрабіць пластычную аперацыю, з чаго трэба пачынаць?

— Як я ўжо сказаў, інфармацыі шмат, перш за ўсё ў інтернэце. Можна самастойна азнаёміцца з прапановамі. Дзяржаўныя ўстановы ці прыватныя цэнтры? Пачынаць трэба не з гэтага. Не ДЗЕ, а у КАГО чалавек хоча аперыравацца. Самы галоўны крытэрый — гэта спецыяліст, якому прыйдзецца сябе даверыць. Яго прафесійная рэпутацыя — менавіта гэта важна ў першую чаргу.

— З якога ўзросту можна рабіць пластычныя аперацыі?

— У асноўным з 18-ці гадоў. Да гэтага ўзросту арганізм працягвае расці. Але ж ёсць і выключэнні. Напрыклад, пластыку вушэй мы робім дзецям ужо ва ўзросце шасці гадоў. Выпраўленне гэтага хіба надае ўпэўненасці дзіцяці і ахоўвае ад псіхічных траўм, якія могуць узнікнуць як след булінгу.

— Каго больш сярод вашых пацыентаў: мужчын ці жанчын?

— Заўсёды сярод пацыентаў пластычнага хірурга больш жанчын. Гэта сусветная тэндэнцыя, ёй шмат гадоў, і з цягам часу яна не мяняецца. Упэўнены, не зменіцца і праз 10 гадоў. Мужчыны складаюць 3-5% ад агульнай колькасці пацыентаў і ў асноўным гэта рэканструктыўная хірургія, якая патрабуецца пасля траўм.

— Жанчыны ўзроставых катэгорый «20+», «40+», «60+». Якія у кожнай з іх самыя папулярныя пластычныя аперацыі?

— У жанчын «20+» папулярныя перш за ўсё карэгіруючыя аперацыі на целе: рынапластыка, ліпафілінг, ліпасакцыя, павелічэнне грудзі. У больш сталым узросце акцэнт ссоўваецца на антыўзроставыя аперацыі і іх выконваецца вельмі многа. Пачынаючы з блефарапластыкі і далей — пластычныя аперацыі твару, якія адтэрміноўваюць узрост, і трэба сказаць, моцна адтэрміроўваюць. Што датычыцца цела, то тут папулярныя пластыка жывата і сцёгнаў.

— Якія састаўляючыя патрэбны для добрага выніку пластычнай аперацыі?

— Каб вынік быў добрым, да пластычнай аперацыі трэба падыходзіць асэнсавана: кансульціравацца з урачом, гутарыць з тымі пацыентамі, хто гэта ўжо зрабіў. І потым прымаць рашэнне.

— Ці многім пацыенткам вы адказалі «не» на іх жаданне прааперыравацца і ў якіх выпадках гэта часцей за ўсё адбываецца?

— За сваю 30-ці гадовую працу адмовіў я не многім, але прыходзілася. Напрыклад тады, калі ў патэнцыяльнага пацыента ёсць завышанныя патрабаванні да сябе і да пажаданага выніку. Калі ў працэсе кансультацыі высвятляецца, што вынік па аб’ектыўным прычынам будзе адным, а пацыент чакае зусім іншага, то з такім пацыентам нельга працаваць, таму што ён не будзе задаволены, хаця вынік аб’ектыўна будзе добрым. Давер урача і пацыента павінен быць узаемным. Тады задаволенымі застануцца абодва бакі.

— Развіццё эстэтычнай касметалогіі, шырокае распаўсюджванне масажных практык, якія спрыяюць «вечнай маладосці» жанчыны... Ці адчувае сфера пластычнай хірургіі ў сувязі з гэтым своеасаблівую канкурэнцыю?

— Канкурэнцыі тут ніякай няма. Справа ў тым, што касметалогія ў сваіх магчымасцях абмежавана ўзростам. Канечне, калі жанчыне 30-35 гадоў, гаворка пра пластычную аперацыю не ідзе. Дастаткова і касметычнага догладу. І гэта ўсё правільна і добра. Але ж, нахыдодзіць пэўны момант, калі гэта перастае працаваць, і метады эстэтычнай касметалогіі ўжо не могуць вырашыць праблему. Вось тады і надыходзіць час пластычнай хірургіі.

— А як наконт моднага зараз фэйсбілдынгу? Апошнім часам з’явілася вялікая колькасць спецыялістаў, якія ўпэўнены, што пры дапамозе практыкаванняў можна прывесці твар ў добры стан.

— Мне цяжка сабе гэта ўявіць. Цікава, на што яшчэ здольная кругавая мышца твару, акрамя таго, для чаго яна прызначана? Яе асноўная функцыя сціскаць і расціскаць вусны. Як іх можна павялічыць пры дапамозе практыкаванняў? Гэта ж не біцэпсы. Я асабіста вынік пасля гэтага ні разу не бачыў.

— Віктар Васільевіч, давайце пагаворым пра самыя папулярныя міфы, звязаныя з пластычнымі аперацыямі. Ці праўда, што можна павяліцычь грудзі пры дапамозе свайго тлушчу, і вынік будзе добрым, а самае галоўнае, даўгавечным?

— Тое, што можна павялічыць — гэта праўда. Але ж, вынік будзе недаўгавечны. Каб павялічыць грудзі, трэба даволі вялікі аб’ём тлучшу. У вялікіх аб’ёмах тлушч не прыжываецца, а разыходзіцца. Тая ж сітуацыя і з павялічэннем аб’ёма ягадзіц. У выніку атрымліваецца вельмі дарагі і часовы эфект. 

- Ці праўда, што блефарапластыка — самая лёгкая пластычная аперацыя з існуючых?

— Адназначна сказаць цяжка. І з ёй бываюць праблемы. Гэта ж аперацыя. Згодна сусветнай статыстыцы невялікі працэнт дрэнных вынікаў ёсць. А што датычыцца перыяду выздараўлення, то на 3-4 суткі здымаюцца швы і нават, калі ёсць невялікія гематомы, іх можна лёгка затаніраваць і смела ісці на спатканне.

- А ці праўда, што пасля рынапластыкі ўсе насы выглядаюць аднолькава?

— Канешне — не, насы пасля рынапластыкі не аднолькавыя. Форма носа залежыць ад анатамічных асаблівасцяў пацыента і ад тых этапаў аперацыі, якія выканаў хірург. Але ж, безумоўна, пэўная мода на форму носа ў той ці іншы час існуе.

- А ці праўда, што калаген, які выпрацоўваецца на месцы арміравання твара, дапамагае яго падцягнуць?

— Гэта міф. Выкарыстанне нітак не дапамагае стабілізаваць апушчэнне тканіны.

А ці праўда, што Бразілія — рэкардсмен па пластыцы сцёгнаў і ягадзіц?

— Гэта праўда. Жанчыны Мексікі і Бразіліі, нягледзячы на свае генетычна абумоўленыя пышныя формы, робяць іх яшчэ больш пышнымі. І такіх аперацый у гэтых краінах праводзіцца вельмі многа.

- А ці праўда, што выключна пры дапамозе ліпасакцыі можна стварыць цела сваёй мары?

— Канешне, гэта міф. Мэта ліпасакцыі — падкарэкціраваць пэўныя зоны на целе, якія не паддаюцца знешнему фізічнаму ці механічнаму ўздзеянню. Калі ў чалавека вельмі значная вага, то тут перад ліпасакцыяй трэба худзець, а ўжо потым рабіць хірургічную карэкцыю цела. Для пластычнага хірурга адэкватная вага пацыента — гэта адпраўная кропка пры правядзенні ліпасакцыі.

- А ці праўда, што ў Беларусі не праводзяць аперацыі па змене полу?

Гэта няпраўда. У нашай краіне праводзяцца такія аперацыі. На жаль, толькі ў адным месцы — у Бараўлянах. Перад там, як чалавек атрымае магчымасць трапіць на аперацыю, неабходна прайсці вельмі сур’ёзнае фізічнае і псіхіатрычнае абследаванне.

- А ці праўда, што ад птозу верхняя павека можна пазбавіцца пры дапамозе спецыяльных практыкаванняў?

Гэта міф, канешне. З такой праблемай трэба звяртацца да хірурга. Менавіта ён дапаможа вам пазбавіцца ад гэтай праблемы.

- А ці праўда, што аперацыі па правядзенні інтымнай пластыкі — зараз самыя папулярныя ў Беларусі?

Не самыя папулярныя, але ж іх робяць у дастатковай колькасці.

- А ці праўда, што пасля мамапластыкі жанчына страчвае магчымасць карміць груддзю?

У гэтым пытанні трэба разумець, пра якую мамапластыку ідзе гаворка. Пасля павелічэння грудзей карміць можна. Пасля мастапексіі карміць таксама можна. Пасля памяншэння грудзей кармленне на жаль немагчыма.

Фота pixabay.com

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.