Вы тут

Навошта прышчэпкі?


У апытанні на тэму «Што вы ведаеце пра вакцынацыю?» медыкі прапануюць паўдзельнічаць усім ахвотным на сайце Мінскага абласнога цэнтра гігіены, эпідэміялогіі і грамадскага здароўя. Яно размешчана ў раздзеле «Апытанні» на галоўнай старонцы і будзе даступна да 10 чэрвеня бягучага года.


Фота: pixabay.com

— З кожным годам адносіны насельніцтва да прышчэпак становяцца ўсё больш неадназначныя, нягледзячы на тое, што менавіта ўсеагульная вакцынацыя прывяла да практычна поўнага знікнення некаторых небяспечных інфекцыйных хвароб. Шэрагі актыўных прыхільнікаў абавязковай вакцынацыі растуць, зрэшты, як і іх апанентаў, якія сцвярджаюць, што прышчэпкі — гэта «страшная бяда». Пры гэтым няправільная трактоўка інфармацыі пра вакцынацыю вядзе да фарміравання і распаўсюджвання памылковых поглядаў, — кажа ўрач-эпідэміёлаг, загадчык аддзялення імунапрафілактыкі аддзела эпідэміялогіі Мінскага абласнога цэнтра гігіены, эпідэміялогіі і грамадскага здароўя Марына Качкан.

Спецыяліст кажа, што сёння ўсё больш бацькоў ухіляецца ад прышчэпак свайму дзіцяці з прычыны хваробы ці ўвогуле без тлумачэння. Супрацьпаказанні да прышчэпак, вядома, існуюць, але іх не так шмат. І ў выніку такіх неабдуманых адмоў, першай мішэнню для інфекцыйных хвароб, як правіла, становяцца дзеці.

— Вакцынацыя папярэджвае развіццё захворвання, і калі большасць людзей прышчэплена, за кошт фарміравання калектыўнага імунітэту зніжаецца інтэнсіўнасць цыркуляцыі ўзбуджальніка, у выніку чаго адбываецца рэгіянальная ліквідацыя захворвання. Факты пацвярджаюць, што пры зніжэнні ахопу насельніцтва прышчэпкамі колькасць захворванняў адром, коклюшам і іншымі кіраванымі інфекцыямі расце, — кажа Марына Качкан.

Нагадаем, што ў Беларусі імунізацыя з'яўляецца бясплатнай і даступнай працэдурай для ўсіх. Вакцыны, якія выкарыстоўваюцца, адобраны Міністэрствам аховы здароўя.

Алена КРАВЕЦ

Выбар рэдакцыі

Грамадства

Пуд солі. Ружовая, чорная або марская — чым яны адрозніваюцца?

Пуд солі. Ружовая, чорная або марская — чым яны адрозніваюцца?

Раней было прасцей: скончылася ў доме соль — ідзеш у краму і купляеш, і ўсё зразумела.

Эканоміка

Змены ў падатковы кодэкс. Хто заплаціць падатак на кватэру, а хто не?

Змены ў падатковы кодэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.