Вы тут

Алімпійскія гульні перамогуць пандэмію


За два месяцы да старту Алімпійскія гульні ў Токіа набываюць усё большую папулярнасць і актуальнасць. Паступова, алімпіяда ўступае ў правы галоўнай падзеі ўжо пяцігодкі. Расказваем, што новага адбываецца ў алімпійскім руху.


1. Міжнародны алімпійскі камітэт і фармакалагічныя кампаніі Pfіzer і BіoNTech падпісалі мемарандум аб прадастаўлення свайго прэпарату для вакцынацыі ад каранавіруса ўдзельнікаў Алімпійскіх гульняў у Токіа.

Чакаецца, што значная частка ўдзельнікаў Гульняў будзе вакцынавана яшчэ да прыезду ў Японію.

2. Каля 60 тысяч тэстаў на каранавірус будуць праводзіць штодзённа на Алімпійскіх гульнях у Токіа. Аб гэтым паведаміла старшыня арганізацыйнага камітэта Гульняў Сэйка Хасімота. Віцэ-прэзідэнт Міжнароднага алімпійскага камітэта (МАК) Джон Коўтс адзначыў, што ў час правядзення Гульняў арганізатары спадзяюцца ў першую чаргу на сістэму тэсціравання на каранавірус, а не на папярэднюю вакцынацыю.

Яшчэ ў красавіку арганізатары Алімпіяды дамовіліся аб штодзённых тэстах для спартсменаў і тых, хто з імі кантактуе. Астатнія ўдзельнікі Гульняў будуць правярацца на каранавірус толькі першыя тры дні іх знаходжанне ў Токіа. Затым рэгулярнасць тэсціравання будзе залежаць ад іх кантактаў.

3. Міжнародны алімпійскі камітэт запэўніў, што рэжым надзвычайнай сітуацыі ў Токіа праз каранавірус не паўплывае на правядзенне Алімпійскіх гульняў. Колькасць членаў замежных дэлегацый на Алімпійскіх і Параалімпійскіх гульнях складзе каля 78 тысяч чалавек, гэта прыкладна на 100 чалавек менш першапачатковай колькасці. Прадстаўнікам кіраўніцтва замежных дзяржаў будзе рэкамендавана знаходзіцца ў Японіі максімальна кароткі тэрмін, не карыстацца грамадскім транспартам і не выязджаць за межы Токіа.

4. Да пачатку старту Гульняў XXXІІ Алімпіяды ў Токіа засталося размеркаваць 30 % ліцэнзій. Гэтая інфармацыя з'явілася пасля пасяджэння выканкама Міжнароднага алімпійскага камітэта. Як паведамляе афіцыйны сайт МАК, больш за 7800 спартсменаў атрымалі права выступіць у Токіа. На 12 мая размеркавана 70 працэнтаў ліцэнзій.

«У многіх відах спорту кваліфікацыйныя спаборніцтвы завяршыліся. Астатнія 20 % ліцэнзій будуць размеркаваны паміж атлетамі згодна з сусветным рэйтынгам, яшчэ 10 % квот застанецца разыграць на спаборніцтвах. Крайні тэрмін фармавання спісаў атлетаў — 29 чэрвеня», — гаворыцца ў паведамленні. Беларуская каманда мае ў сваім актыве 87 пуцёвак у алімпійскі Токіа.

5. Алімпійскі чэмпіён 2008 года Аляксандр Багдановіч абраны старшынёй камісіі спартсменаў Нацыянальнага алімпійскага камітэта. Яго намеснікам абраны Міхаіл Грабоўскі. Сакратаром камісіі стала Кацярына Галкіна.

Валерыя СЦЯЦКО

Прэв’ю — pixabay.com

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.