Вы тут

«Зубру» — 30 гадоў


Рэспубліканскі атрад спецыяльнага прызначэння «Зубр» Міністэрства па надзвычайных сітуацыях адзначыў сваё 30-годдзе. У мерапрыемстве прынялі ўдзел Дзяржаўны сакратар Савета Бяспекі Аляксандр Вальфовіч, намеснік Дзяржаўнага сакратара Савета Бяспекі Аляксандр Рахманаў, міністр па надзвычайных сітуацыях Вадзім Сіняўскі, кіраўнікі спецыяльных падраздзяленняў, ветэраны атрада і іншыя ганаровыя госці.


Фота: pixabay.com

Аляксандр Вальфовіч агучыў віншаванне Кіраўніка дзяржавы і адзначыў асабісты склад дзяржаўнымі ўзнагародамі.

— У страі стаяць найлепшыя прадстаўнікі Міністэрства па надзвычайных сітуацыях, — сказаў ён. — Назва атрада кажа аб прызначэнні і задачах, якія перад ім стаяць. Атрад, які ў найкарацейшыя тэрміны гатовы выканаць задачы перш за ўсё па выратаванні жыцця людзей на любой тэрыторыі. Структура атрада дазваляе выканаць шырокі спектр задач і кажа пра тое, што тут знаходзяцца спецыялісты высокага класа.

Начальнік Рэспубліканскага атрада спецыяльнага прызначэння МНС палкоўнік унутранай службы Ігар Зарэмба нагадаў, што атрад быў створаны ў 1991 годзе для эфектыўнага рэагавання на найбольш складаныя надзвычайныя сітуацыі прыроднага і тэхнагеннага характару: уцечкі небяспечных хімічных рэчываў, абвальванне будынкаў, радыяцыйныя аварыі і іншыя. Зараз у камандзе прафесіяналаў — альпіністы, хімікі, выбухатэхнікі, вадалазы, кінолагі, атэставаныя па стандартах ААН для правядзення аварыйна-ратавальных работ і за мяжой.

— Наш атрад — адзінае ратавальнае падраздзяленне ў краіне, якое ў 2013 годзе прайшло атэстацыю па міжнародных стандартах ААН, у 2018 годзе паспяхова яе пацвердзілі, і сёння наш атрад рэкамендаваны да прыцягнення для ліквідацыі надзвычайных сітуацый па ўсім свеце. Работнікі атрада прымалі ўдзел у ліквідацыі наступстваў паводкі ў Сербіі ў 2014 годзе. Выбуховатэхнічная служба атрада праводзіць унікальную па сваёй складанасці значную аперацыю па дэмантажы аварыйных будынкаў і збудаванняў. За гісторыю службы праведзена больш чым 200 такіх работ, — расказаў Ігар Зарэмба.

Падчас урачыстасці прайшоў рытуал уручэння Сцяга кіраўніку атрада.

— Дзякую асабовы склад за добрасумленнае выкананне службовых абавязкаў, адзначаю ўклад ветэранаў у станаўленне элітнага падраздзялення міністэрства па ліквідацыі надзвычайных сітуацый рознай ступені складанасці, — сказаў міністр па надзвычайных сітуацыях Вадзім Сіняўскі. — Абсалютна невыпадковая міжнародная акрэдытацыя нашага падраздзялення. Будзьце заўсёды сумленныя перад сабой, любіце працу, беражліва стаўцеся да калектыву. Ваша прафесія вельмі ганаровая. Ратаванне людзей — не толькі мужнасць, адвага і доблесць, але яшчэ і вялікі дар кожнага, хто выконвае задачы па прызначэнні.

Ганаровыя госці высадзілі памятную алею — 30 піхт у гонар юбілею атрада. А затым прысутныя азнаёміліся з аварыйна-ратавальнай і спецыяльнай тэхнікай, здольнай выконваць практычна любыя задачы па ліквідацыі наступстваў надзвычайных сітуацый прыроднага і тэхнагеннага характару.

Дар'я ШЛАПАКОВА

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.