Вы тут

Сцяг БДУ пабывае ў ста кутках Беларусі


У рамках веламарафону «100 гарадоў да 100-годдзя ВНУ» сімвал універсітэта правязуць па розных гарадах і знакавых месцах нашай краіны. Галоўны сімвал універсітэта быў прыняты ў 2002 годзе. Сіні колер палотнішча сімвалізуе навуку, а размешчаная ў яго цэнтры папараць увасабляе імкненне да ведаў, веры і шчасця.


Старт быў дадзены 25 мая ва ўнутраным дворыку Студэнцкага гарадка БДУ. Ва ўрачыстай абстаноўцы сцяг марафонцам перадаў прарэктар па выхаваўчай рабоце і сацыяльных пытаннях Іван Янушэвіч.

Першы маршрут прайшоў па знакавых мясцінах горада-героя Мінска, па веладарожцы ўздоўж набярэжнай ракі Свіслач, Нямігі да Музея гісторыі Вялікай Айчыннай вайны і галоўнага корпуса БДУ.

Акцыя аб'яднае кратную юбілейнай даце колькасць студэнтаў, супрацоўнікаў і выпускнікоў БДУ. Удзельнікі прывязуць часцінку альма-матар у родны горад ці вёску, калі ў рамках маршруту наведаюць асноўныя славутасці сваёй малой радзімы. Далучыцца да акцыі можа любы ахвотны студэнт, супрацоўнік або выпускнік БДУ.

Плануецца, што сцяг БДУ будзе з'яўляцца ў розных кутках Беларусі штотыдзень. Завершыцца веламарафон 30 верасня ва ўнутраным дворыку ўніверсітэта. У гэты дзень адбудзецца ўрачыстая перадача сімвала вядучай ВНУ кіраўніцтву і ўручэнне ўдзельнікам маштабнай акцыі памятнага медалю веламарафону «BSU 100». Акрамя таго, тут прадставяць сувеніры з месцаў, у якіх пабывае сцяг БДУ. За ходам веламарафону можна сачыць на старонках Студэнцкага гарадка БДУ «УКантакце» і «Інстаграм».

Надзея НІКАЛАЕВА

Фота прэс-службы БДУ

Загаловак у газеце: Сцяг БДУ пабывае ў ста кутках Беларусі

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.