Вы тут

Кім знакамітая Мядзельшчына?


Значнае месца ў экспазіцыі Мядзельскага музея народнай славы адведзена народнаму паэту Беларусі, Герою Сацыялістычнай Працы, грамадскаму і дзяржаўнаму дзеячу Максіму Танку, які нарадзіўся ў вёсцы Пількаўшчына. Тут прадстаўлены шэраг матэрыялаў, дакументаў, кніг з яго аўтографамі, зборнікі вершаў, рукапісы, чарнавікі з накідамі вершаў, асабістыя рэчы, пасведчанні, даведкі часоў Вялікай Айчыннай вайны, паколькі Максім Танк быў на фронце ваенным карэспандэнтам. Шмат таксама фотаздымкаў. Напрыклад, з бацькамі.


У Мядзельскім раёне ў Максіма Танка было лецішча, якое захавалася да сённяшняга дня. Сюды любілі прыязджаць знакамітыя госці. На адным са здымкаў паэт з Максімам Лужаніным, Якубам Коласам. Гэта фота датавана 1956 годам, годам смерці беларускага песняра. Цікавасць выклікае рукапіс верша, які Якуб Колас прысвяціў Максіму Танку экспромтам у 1948-м. У экспазіцыі таксама ваенныя фота. На адным Максім Танк стаіць побач з Аркадзем Куляшовым. На адной з карцін прадстаўлены дом, дзе нарадзіўся паэт у 1912 годзе ў вёсцы Пількаўшчына. Аўтар твора — жыхар аграгарадка Златкі, дырэктар мясцовай школы Барыс Пестун.

У невялікай вітрыне сабраны матэрыялы аб народнай артыстцы Беларусі Марыі Захарэвіч, якая нарадзілася ў вёсцы Навасёлкі. Вёска ўвайшла ў межы Мядзела. На здымках актрыса адлюстравана ў сцэнічных ролях. Марыя Захарэвіч жыве ў Мінску, але часта прыязджае на малую радзіму.

Невялікая экспазіцыя прысвечана Паўліне Мядзёлцы. На здымку 1972 года Мядзёлка з Алай Долгай і Раісай Кашэльнікавай, пазнейшымі выканаўцамі ролі Паўлінкі ў аднайменнай п'есе Янкі Купалы. На іншай фатаграфіі Паўліна Мядзёлка каля помніка Янку Купалу ў Мінску.

Значнае месца ў экспазіцыі музея адведзена жыццю і творчасці народнага мастака Беларусі Васіля Шаранговіча, мядзельскім паэтам Іосіфу Скурко, Мар'яну Дуксу, Мікалаю Шабовічу, Адольфу Варановічу. У 1990 годзе ў школе № 1 Мядзела адкрыты музей гісторыі школы імя Уладзіміра Дубоўкі, які дзейнічае як філіял Мядзельскага музея.

Таццяна ЛАЗОЎСКАЯ

Фота Яўгена ПЯСЕЦКАГА

Загаловак у газеце: Са знакамітымі гасцямі на лецішчы

Выбар рэдакцыі

Грамадства

Пуд солі. Ружовая, чорная або марская — чым яны адрозніваюцца?

Пуд солі. Ружовая, чорная або марская — чым яны адрозніваюцца?

Раней было прасцей: скончылася ў доме соль — ідзеш у краму і купляеш, і ўсё зразумела.

Эканоміка

Змены ў падатковы кодэкс. Хто заплаціць падатак на кватэру, а хто не?

Змены ў падатковы кодэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.