Вы тут

Да 22 чэрвеня ў Нарачы рыхтуецца праграма з Алегам Сала


«Арт-гасцёўня, або Сустрэча са знакамітымі людзьмі» — так называецца праект, які рэалізоўваюць Нарацкая пасялковая бібліятэка, Цэнтр культуры і адпачынку і галерэя Шаранговіча. Да 22 чэрвеня — гадавіны пачатку Вялікай Айчыннай вайны — рыхтуецца праграма з Алегам Сала.


Алег Іванавіч працаваў на кінастудыі «Беларусьфільм» з 1987 да 2016 года. «Спачатку ў штаце, затым, калі выйшаў на пенсію, то па дагаворах падраду, — кажа ён. — На «Беларусьфільме» я быў намеснікам дырэктара, дырэктарам многіх кінакарцін, кіраўніком групы фестывальных праграм, Дзён кіно, культуры. Мне пашанцавала, што працаваў са знакамітымі кінарэжысёрамі Віктарам Дашуком, Міхаілам Пташуком, Дзмітрыем Астраханам, Анатолем Алаем, з расіянамі, французамі, немцамі, як у дакументальным кіно, так і ў ігравым. Былі ў розных кінастужках у мяне і эпізадычныя ролі».

Алег Сала ўдзельнічаў у здымках фільма на Нарачы «Салёны вецер». Ён пастаўлены на кінастудыі «Беларусьфільм» у 1988 годзе рэжысёрам Алегам Смірновым. Гэта сёмы фільм тэлевізійнага серыяла «Дзяржаўная граніца». Вядома ж, дзецям цікава будзе паслухаць, як здымаўся гэты фільм, з якімі цяжкасцямі сустрэліся яго ўдзельнікі, як ішлі камбінаваныя здымкі.

— Алег Іванавіч аказаў нам дапамогу ў тэатралізаванай пастаноўцы, якую мы ладзілі да 9 Мая, даў прафесійную кансультацыю. Так і пазнаёміліся. Нам цікавае такое супрацоўніцтва, і дзецям таксама, таму што многія фільмы з яго ўдзелам яны глядзелі, — кажа дырэктар Нарацкага цэнтра культуры і адпачынку Таццяна Грэлік.

Да сустрэч са знакамітымі людзьмі ідзе карпатлівая падрыхтоўка. Спачатку вядзецца гутарка, затым пішацца сцэнарый, які ўзгадняецца з госцем. У раённай газеце друкуецца з ім інтэрв'ю. Выступленне гасцей суправаджаецца наглядным матэрыялам — кінасюжэтамі, дакументамі, фотаальбомамі.

У гасцях ужо пабывалі вядомыя паэты, урачы, мастакі. Напрыклад, праўнучка Аркадзя Куляшова — мастачка Алеся Іса.

Таццяна ЛАЗОЎСКАЯ

Фота Яўгена ПЯСЕЦКАГА

Выбар рэдакцыі

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота... 

Калейдаскоп

Чым апырскаць памідоры ад фітафторы, калі на іх ужо завязі і кветкі

Чым апырскаць памідоры ад фітафторы, калі на іх ужо завязі і кветкі

Як і любую іншую хваробу, фітафтароз лягчэй папярэдзіць, чым лячыць.

Культура

Беразіно: цэнтр на шляху «з вараг у грэкі»

Беразіно: цэнтр на шляху «з вараг у грэкі»

Радзімазнаўства. Адрасы пісьменства. Сумесны праект Мінаблвыканкама і «Звязды».