Вы тут

Мядзельская зямля багатая на таленавітых людзей і фестывалі, якія сталі візіткай


Мядзельская зямля багатая на таленавітых людзей і фестывалі, якія сталі візіткай.


Званне «Народны» абавязвае

Акампаніятар Віктар Назаранка і кіраўнік ансамбля Тамара Блізнюк

Народны ансамбль народнай песні «Скарбніца» Мядзельскага раённага цэнтра культуры добра вядомы не толькі жыхарам горада і раёна. Калектыў выступаў на канцэртных пляцоўках у Глыбокім, Паставах, Мар'інай Горцы на абласным фестывалі народнай творчасці «Напеў зямлі маёй», у Мінску, прымаў удзел у рэспубліканскім фестывалі харавога мастацтва «Пеўчае поле».

— Гэты калектыў стварыла мая сяброўка Галіна Савіцкая ў 1991 годзе. Мы з ёй вучыліся ў школе з першага класа, затым скончылі Маладзечанскае музычнае вучылішча. Пасля яе смерці, як яе блізкі чалавек, я ўзяла кіраўніцтва ансамблем на сябе. У 2003-м калектыў атрымаў званне «Народны» і пацвярджае яго кожныя два гады, — расказвае кіраўнік «Скарбніцы» Тамара Блізнюк. — У нашым рэпертуары ў асноўным беларускія, рускія народныя песні ў апрацоўцы, акапэльныя без музычнага суправаджэння, творы айчынных аўтараў.

Удзельніцы ансамбля выконваюць шмат прыгожых песень — вясёлых, меладычных, лірычных. Іх заўсёды прымаюць на «біс». Але, бадай, самая любімая ў гледачоў песня «Бульбачка», якую яны падпяваюць усёй залай. А на «Пеўчым полі» калектыў прадставіў песню «Марыся» і акапэльную «Каля майго церама» пад цымбалы.

Дырэктар Мядзельскага раённага цэнтра культуры Наталля Іванова не без гонару распавяла, што ў раёне акрамя «Скарбніцы» маецца яшчэ сем калектываў са званнем «Народны». Гэта народны хор «Крывічы», народны вакальны ансамбль «Натхненне», народны ансамбль народнай песні «Радаўніца», фальклорна-этнаграфічны калектыў «Узлянка», народны клуб майстроў «Крывічы», народны ансамбль эстраднай песні «Правінцыя», народны клуб аматараў песні «Верасень».

«Пеўчае поле»

Візіткай Мядзельшчыны стаў рэспубліканскі фестываль харавога мастацтва «Пеўчае поле». Ён праводзіцца ў раёне з 1952 года. Калі раней мерапрыемства ладзілася на беразе возера, то з 2007-га змяніла пляцоўку і праходзіць на сцэне летняга амфітэатра Мядзела.

За час свайго існавання фестываль з рэгіянальнага пераўтварыўся спачатку ў абласны, а з 2015-га носіць статус рэспубліканскага. Праводзіцца ён адзін раз на два гады. У 2019 годзе мерапрыемства адбылося 22—23 чэрвеня і сабрала 25 калектываў з розных куткоў не толькі Міншчыны, але і ўсёй краіны.

Таццяна ЛАЗОЎСКАЯ

Фота Яўгена ПЯСЕЦКАГА

Загаловак у газеце: «Скарбніца» і «Пеўчае поле»

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем'і і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.