Вы тут

На «Белагра-2021» можна будзе ўбачыць айчынную тэхніку, якая працуе з ювелірнай дакладнасцю


На наступным тыдні на тэрыторыі Кітайска-Беларускага парка «Вялікі камень» з 1 да 5 чэрвеня пройдзе маштабная аграпрамысловая выстава «Белагра-2021», у якой, як правіла, прымаюць удзел больш за 30 краін свету. Але асноўныя экспаненты — беларускія прадпрыемствы. Чым яны здзівяць удзельнікаў і наведвальнікаў сёлета? Пра гэта мы распыталі распрацоўшчыкаў сельскагаспадарчай тэхнікі — прадстаўнікоў кампаніі «АМКАДОР», якая з'яўляецца лідарам па вытворчасці зернесушылак у нашай краіне. Акрамя таго, сёння кампанія ўваходзіць у ТОП-10 сусветных вытворцаў гэтага віду абсталявання. Усяго за чатыры гады «Амкадор-СЕМАШ» стаў таксама адным з асноўных вытворцаў абсталявання па апрацоўцы глебы.


На выставе холдынг «Амкадор» прадставіць больш за 27 мадэляў машын і абсталявання для глебаапрацоўкі, перадпасяўной і пасляўборачнай апрацоўкі збожжа і яго захоўвання.

Як адзначыў генеральны дырэктар ААТ «Амкадор-СЕМАШ» — кіруючая кампанія холдынга» Алег КОРСАК, у цяперашні час імі вырабляецца каля 60 найменняў сельскагаспадарчай тэхнікі і 180 яе мадыфікацый. Гэта пагрузачныя і разгрузачныя машыны, пагрузчыкі ўніверсальныя, тэлескапічныя і з бакавым паваротам. Таксама цяпер гэтае прадпрыемства выпускае машыны для апрацоўкі глебы, такія як шыроказахопныя глебаапрацоўчыя агрэгаты, культыватары, чызельныя плугі і іншыя. Вырабляюць тут машыны для ўнясення арганічных і мінеральных угнаенняў і машыны для корманарыхтоўкі і раздачы кармоў (касілкі, варушылкі).

Кампанія холдынга вырабляе і прычапныя машыны шматфункцыянальнага выкарыстання для пасляўборачнай апрацоўкі збожжа. У кагорту іх уваходзяць сушылкі, ачышчальныя машыны, цеплагенератары і іншыя віды абсталявання, якія неабходны для перапрацоўкі і захоўвання збожжа. Дарэчы, на выставе будуць паказаны самыя цікавыя ўзоры кампаніі.

Наколькі хутка змяняецца абсталяванне? Алег Корсак падкрэсліў, што XXІ стагоддзе з'яўляецца часам высокіх тэхналогій. Таму аграрыі ўжо задумваюцца над тым, каб мець высокатэхналагічную тэхніку, з дапамогай якой зніжаюцца выдаткі на вытворчасць сваёй прадукцыі.

Спікер адзначыў, што ў асноўным тэхніка вырабляецца для ўнутранага спажывання, але яна паспяхова пастаўляецца ў краіны СНД і нават у рэгіёны далёкай дугі. Так, каля 30 % тэхналагічных агрэгатаў рэалізоўваецца на экспарт. Галоўныя заказчыкі гэтай тэхнікі — Расія, Украіна, Таджыкістан і Узбекістан. Тэхніка пастаўляецца і ў Аўстрыю, Літву, Польшчу.

Дастаткова актыўна кампанія трымае руку на пульсе па распрацоўцы новай тэхнікі. І гэта вельмі цікава, бо на прадпрыемстве прытрымліваюцца трэнду на дакладнае земляробства і лічбавізацыю ў сельскай гаспадарцы. Гэтаму ёсць прыклады: сеялка VERAS-12000, на якой усе сучасныя тэхналагічныя рашэнні ўжо выкарыстаны. Гэты ўзор зараз праходзіць тэставыя выпрабаванні. У яго з дапамогай GPS-сувязі ідзе злучэнне з агрэгатаваным машынным трактарам, а таксама арганізавана паралельнае кіраванне, якое дазваляе дасягаць добрай дакладнасці пасеваў, дзе адхіленне ад прамалінейнасці руху не можа быць больш чым 10—12 сантыметраў у маштабах вельмі аб'ёмнага поля. Дадзеная сеялка прызначана для сяўбы самых розных культур. Ёсць усе падставы гаварыць аб тым, што ў сучасным свеце гэта самы дасканалы пасяўны агрэгат, які адпавядае высокім стандартам, што прад'яўляюцца да сельскагаспадарчай тэхнікі такога прызначэння.

Для атрымання максімальнага ўраджаю для аграрыяў важна правесці сяўбу ў самыя аптымальныя тэрміны, калі ў глебе змяшчаецца досыць вільгаці і хуткае, раўнамернае ўнясенне насення забяспечвае іх добрую ўсходжасць. А гэта сеялка якраз і забяспечвае, акрамя высокай дакладнасці пасадкі, яшчэ і ўзорную прадукцыйнасць — больш за 12 гектараў за гадзіну.

Сяргей КУРКАЧ

Загаловак у газеце: Як пасееш...

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.