Вы тут

У Санкт-Пецярбургу пачаў работу XVІ Санкт-Пецярбургскі міжнародны кніжны салон


У Санкт-Пецярбургу пачаў работу XVІ Санкт-Пецярбургскі міжнародны кніжны салон. Па традыцыі ўдзел у важным выдавецкім, паліграфічным, кнігагандлёвым і пісьменніцкім форуме прымае і Міністэрства інфармацыі Рэспублікі Беларусь.


— Сёння не так шмат удзельнічаем у кніжных выстаўках, — расказвае дырэктар Паліграфічнага камбіната імя Якуба Коласа Ігар МАЛАНЯК, — таму з вялікай ахвотай прымаем удзел у вядомым нам і раней Санкт-Пецярбургскім кніжным салоне. Арганізатарамі гэтай аўтарытэтнай пляцоўкі выступае ўрад горада на Няве, Камітэт па друку і ўзаемадзеянні са сродкамі масавай інфармацыі пры падтрымцы Расійскага кніжнага саюза. Безумоўна, будзем шукаць перадавы вопыт, знаёміцца з новымі тэхналогіямі. А галоўнае — паспрабуем і ва ўмовах пандэміі ўзнавіць самыя розныя сувязі, наладзіць новыя. Ды і нам ёсць што паказаць. Найперш — асветніцкую літаратуру, падручнікі, выданні «Народнай асветы» і «Вышэйшай школы». Дарэчы, пазнаёмім расіян і з кнігамі Уладзіміра Караткевіча, якіх летась на беларускай і рускай мовах у Мінску выйшла досыць шмат — да 90-годдзя з дня нараджэння беларускага класіка. Прэзентуем і цэлую адмысловую бібліятэчку паэзіі ў перакладах на беларускую мову — серыю «Сябрына: паэзія народаў Расіі», якую выпускае наш Паліграфкамбінат імя Якуба Коласа ў цесным супрацоўніцтве з выдавецтвам «Мастацкая літаратура» і Выдавецкім домам «Звязда».

На беларускім стэндзе прадстаўлена і шмат літаратуры краіназнаўчай, якая паказвае развіццё Беларусі як суверэннай дзяржавы ў апошнія дзесяцігоддзі, кніг, скіраваных на праўдзівае адлюстраванне ваеннай гісторыі, падзей Вялікай Айчыннай вайны ў Беларусі. Сярод іх — і філакартычныя альбомы збіральніка старых паштовак Уладзіміра Ліхадзедава з серыі «У пошуках страчанага».

Мікола БЕРЛЕЖ

Прэв’ю: pixabay.com

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.