Вы тут

Спецыяльная камісія падрыхтуе законапраект аб змяненні Канстытуцыі


Спецыяльная камісія па падрыхтоўцы праекта закона «Аб змяненні Канстытуцыі Рэспублікі Беларусь» створана ў Палаце прадстаўнікоў. Такое рашэнне прынялі на пасяджэнні Савета Палаты прадстаўнікоў.


Змены прадугледжваюць магчымасць правядзення выбараў у мясцовыя Саветы дэпутатаў 29-га склікання адначасова з правядзеннем выбараў у Палату прадстаўнікоў восьмага склікання. Старшыня Палаты прадстаўнікоў Нацыянальнага сходу Уладзімір Андрэйчанка на пасяджэнні падкрэсліў, што кіраўнік дзяржавы гэтую прапанову падтрымаў:

— Адпаведны законапраект аб змяненні Канстытуцыі быў унесены Прэзідэнтам у Палату прадстаўнікоў. Рэгламент Палаты прадстаўнікоў прадугледжвае, што для работы над законапраектам нам неабходна стварыць спецыяльную камісію, — адзначыў спікер.

Уладзімір Андрэйчанка адзначыў, што папярэднія сесійныя месяцы былі напоўнены шэрагам значных мерапрыемстваў. Ключавым з іх з'яўляецца сустрэча Прэзідэнта Беларусі Аляксандра Лукашэнкі з парламентарыямі, членамі Канстытуцыйнай камісіі, прадстаўнікамі СМІ і шэрагу дзяржаўных органаў, якая прайшла 26 мая.

— Адбылася адкрытая і вельмі змястоўная размова па самых вострых пытаннях бягучай сітуацыі. І зараз дэпутатам неабходна забяспечыць выкананне тых задач, якія паставіў перад намі кіраўнік дзяржавы на мерапрыемстве. Вядома, перш за ўсё гэта пастаянная работа з нашымі грамадзянамі па месцы жыхарства, — адзначыў Уладзімір Андрэйчанка.

Па словах намесніка старшыні Пастаяннай камісіі па дзяржаўным будаўніцтве, мясцовым самакіраванні і рэгламенце Віктара Свілы, законапраект павінен быць гатовы да 4 чэрвеня, а прыняты ў першым чытанні ўжо на гэтай сесіі, у другім — не раней чым праз тры месяцы. Нагадаем, што наступная сесія Палаты прадстаўнікоў Нацыянальнага сходу павінна адкрыцца ў пачатку кастрычніка.

Дэпутат адзначыў, што ў склад спецыяльнай камісіі ўвайшлі людзі з вялікім вопытам. Узначаліў яе старшыня Пастаяннай камісіі па дзяржаўным будаўніцтве, мясцовым самакіраванні і рэгламенце Палаты прадстаўнікоў Валянцін Семяняка.

Алена КРАВЕЦ

Прэв’ю: БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.