Вы тут

Макей: Перакананы, што сёння большасць будзе падтрымліваць суверэнітэт, незалежнасць і самастойнасць


Пераважная большасць беларусаў будзе стаяць да канца, але не падпарадкуецца дыктату ў дачыненні да сваёй краіны. Пра гэта міністр замежных спраў Беларусі Уладзімір Макей заявіў у інтэрв'ю расійскаму выданню «Камерсант», паведамляе БЕЛТА.


«Мы вельмі сур’ёзна ставімся да заяў пра тое, што плануецца чацвёрты пакет санкцый супраць шэрагу адчувальных галін нашай эканомікі. Будзем рэагаваць на гэтыя рэчы, каб нівеліраваць санкцыі. Не магу зараз гаварыць, якія гэта будуць меры, але ў нас ёсць вялікі вопыт жыцця пад санкцыямі, мы бачым, як некаторыя краіны і сёння жывуць пад санкцыямі, узяць той жа самы Іран, узяць эканамічную блакаду Кубы. Не хацелася б, каб абстаноўка і далей нагнятаць, але мы лічым, што ў гэтай сітуацыі трэба выстаяць», — сказаў Уладзімір Макей.

Па словах міністра, ён даносіў гэтую пазіцыю заходнім калегам, але ў іх «няма такога адчування, што ў Беларусі гатовыя ісці да канца, каб адстаяць незалежнасць і суверэнітэт дзяржавы». «Праз санкцыі, праз спробы падтрымаць апазіцыю яны спрабуюць разбурыць нашу эканоміку, і гэта можа прывесці да знішчэння дзяржаўнасці краіны. Яны павінны выразна разумець гэта. Яны думаюць, што далейшае пагаршэнне эканамічнай сітуацыі прывядзе да таго, што народ выйдзе на вуліцы і змяце цяперашнюю ўладу. Катэгарычна не згодны. Перакананы, што сёння большасць народа згуртуецца, наадварот, у дадзенай сітуацыі і будзе падтрымліваць суверэнітэт незалежнасць і самастойнасць у знешняй, ва ўнутранай палітыцы насуперак вось гэтаму ціску. Перакананы, што пераважная большасць людзей будзе гатова стаяць да канца, але не падпарадкуецца таму дыктату, які зараз адбываецца ў дачыненні да Беларусі», — заявіў дыпламат.

На думку міністра, калектыўны Захад «вельмі нервуецца з нагоды таго, што свет становіцца шматпалярным, што з’явілася шмат буйных геапалітычных ігракоў, з меркаваннем якіх трэба лічыцца».

«Я згодны з маім калегам Лаўровым, які сказаў, што свет перастаў быць захадацэнтрычным. Пяцьсот гадоў Захад дыктаваў нам умовы, як жыць, што рабіць, па якіх правілах развівацца. Сёння з’явіліся буйныя геапалітычныя гульцы: Кітай — адна з найбуйнейшых эканомік свету, Індыя, якая актыўна развіваецца, Расія зняла ружовыя акуляры, якія ў яе былі ў 1990-я і ў пачатку 2000-х гадоў, устала з каленяў і рэальна бачыць, што сабой уяўляе Захад», — сказаў Уладзімір Макей.

Ён адзначыў, што Расія таксама адна з вядучых сусветных дзяржаў, пры гэтым — ядзерных дзяржаў. «Гэта не падабаецца шмат каму на Захадзе — страта свайго аўтарытэту. Робяцца дзеянні з тым, каб усё-ткі ўмацаваць свой лагер. Сітуацыя ў Беларусі — следства таго, што мы апынуліся на геапалітычным разломе, і Захад нас спрабуе перацягнуць на свой бок, дыктуючы свае ўмовы. Мы ж лічым, што адносіны павінны развівацца на тых прынцыпах, якія выпрацаваны ў Статуце ААН, і менавіта гэта — аснова пабудовы нармальнага справядлівага свету. На жаль, Захад спрабуе дзейнічаць метадамі прымусу, ціску, санкцый», — падкрэсліў кіраўнік беларускага МЗС.

«Сёння ў нас з Расіяй засталіся толькі дзве саюзныя праграмы з 28-мі. Гэта — фарміраванне агульнага рынку газу і гарманізацыя падатковага заканадаўства. Мы вельмі істотна прасунуліся і ў плане падрыхтоўкі гэтых дзвюх праграм. Калі раней адхілялася ідэя падрыхтоўкі саюзнай праграмы па ўдасканаленні падатковага заканадаўства, то цяпер ідзе спакойная, планамерная работа па гарманізацыі падатковага заканадаўства», — лічыць Уладзімір Макей.

Паводле яго слоў, спрэчкі вядуцца аб часовых рамках: што неабходна зарабіць раней ці ўсё — адначасова. «Гэта тэхнічныя моманты. У любым выпадку завяршэнне работы над гэтымі праграмамі прывядзе да таго, што інтэграцыйныя працэсы будуць развівацца больш актыўна і дынамічна. Важна толькі, каб былі знойдзеныя абсалютна справядлівыя развязкі для абодвух партнёраў, зыходзячы з тых прынцыпаў, якія закладзены ў Дагаворы аб Саюзнай дзяржаве», — дадаў ён.

Чакаецца, што праграмы будуць зацверджаны на Вышэйшым дзяржсавеце Саюзнай дзяржавы, які запланаваны на восень. «Дата канкрэтна не вызначана. Рашэнне будзе лічыцца прынятым пасля таго, як яго зацвердзіць Вышэйшы дзяржсавет. Але да гэтага гэтае рашэнне павінна адбыцца абмеркаваньне ва ўсіх галіновых міністэрствах, павінна быць прынята на саюзным урадзе і зацверджана Вышэйшым дзяржсаветам», — сказаў міністр.

Важнай мэтай для дзвюх краін Уладзімір Макей назваў стварэнне агульнай эканамічнай прасторы. «Існуюць нейкія парадаксальныя рэчы, калі мы ў нашых краінах ствараем дублюючыя вытворчасці, якія з’яўляюцца канкурэнтамі адзін да аднаго. Трэба дамовіцца аб сумеснай рабоце на рынках нашых краін і на рынках трэціх краін і аб’ядноўваць намаганні. У саюзных праграмах гаворка ідзе менавіта пра тое, каб была выпрацавана агульная палітыка ў той ці іншай сферы, якая дазволіла б нам эфектыўна супрацоўнічаць на двухбаковай аснове і эфектыўна працаваць партнёрамі з трэцімі краінамі», — адзначыў ён.

Каментуючы рэакцыю еўрапейскіх лідараў на пасадку самалёта Ryanair у Мінску, якія назвалі дзеянні беларускага боку тэрарызмам, Уладзімір Макей заявіў: «Баюся, што гэта мэтанакіраваныя дзеянні, каб ператварыць Беларусь і яе кіраўніцтва ў краіну-ізгоя, цалкам развязаць сабе рукі і прыступіць да татальнага ўдушэння эканомікі краіны і дзяржавы».

Міністр адзначыў, што навешванне ярлыкоў у апошні час у цэлым стала вельмі модным. «Мы бачым гэта ў дачыненні да Расеі: яе кіраўніцтва абвінавачваецца ў здзяйсненні нейкіх антычалавечых злачынстваў, тыя ж самыя палякі называюць Расію ненармальнай краінай, прадпрымаючы пры гэтым дзеянні, якія таксама не ўкладваюцца ні ў якія чалавечыя рамкі, ні ў якую чалавечую логіку. Няхай гэта будзе на іх сумленні», — сказаў ён.

Паводле слоў Уладзіміра Макея, часам вакол радавых выпадкаў заходнія краіны падымаюць вэрхал, і ён заўсёды палітычна матываваны. «Для нас гэта абсалютна непрымальна», — падкрэсліў кіраўнік знешнепалітычнага ведамства.

Уладзімір Макей выказаўся пра заявы Еўрасаюза фінансава падтрымаць развіццё дэмакратыі ў рэспубліцы. «Апаненты ўлады, якія знаходзяцца за мяжой, збеглыя апаненты, кажуць, што Еўрасаюз ужо падрыхтаваў 3 млрд еўра для Беларусі. Гэта будзе спрыяць ажыццяўленню дэмакратычных рэформаў, і ўсё тое, што было зроблена за апошнія 25 гадоў, мы знішчым, і будзем на гэтых руінах будаваць новую дэмакратычнуюе дзяржаву. Прэзідэнт, выступаючы ў парламенце, сказаў, што аб гэтых мільярдах мы чуем яшчэ з 2010 года. Тады, па-мойму, нам абяцалі за 5 млрд еўра, але зараз лічба трохі паменшылася. Не відаць было і тых 5 млрд, і гэтыя 3 млрд, якія нібыта ўжо ляжаць у сейфах ЕС для пабудовы новай дэмакратычнай Беларусі — не тая лічба, якая можа радыкальна змяніць сітуацыю ў дзяржаве. гэта малая доля ў нашым экспарце», — звярнуў увагу Уладзімір Макей.

Міністр таксама выказаўся пра санкцыйную палітыку Захаду ў дачыненні да Беларусі і Расіі. Ён падкрэсліў, што гэта аднабаковыя меры асобных дзяржаў або групы дзяржаў, якія рэгулююцца іх ўнутранымі дакументамі. «Захацелася Еўрасаюзу ўвесці санкцыі — яны і ўводзяць санкцыі ў дачыненні да той ці іншай краіны. Гэта датычыцца і ЗША. У той жа час такія меры закранаюць эканоміку краіны і ўплываюць на дабрабыт грамадзян. Мяне здзіўляюць заявы еўрапейскіх палітыкаў, калі яны кажуць, што санкцыі нанясуць шкоду ўладам, але, маўляў, мы будзем выкарыстоўваць іх кропкава, каб яны не паўплывалі на народ. Санкцыі ў любым выпадку закранаюць дабрабыт канкрэтнага чалавека, гэта павінны разумець усе», — адзначыў кіраўнік знешнепалітычнага ведамства.

«Сёння, назіраючы, як развіваецца сітуацыя ў нашым рэгіёне, ды і ў свеце ў цэлым, назіраючы рост канфрантацыі па ўсіх напрамках, можна канстатаваць, што мы скатваемся да этапу „халодная вайна 2.0“. Калі будзе адбывацца вось гэта вось нагрувашчванне ўзаемных абвінавачванняў у адрас адзін аднаго, прычым абвінавачванняў сапраўды такіх разбуральных, як гэта было зроблена тым жа самым прэзідэнтам Байдэнам, можна меркаваць, што так мы акажамся ў кроку ад вайны гарачай», — сказаў Уладзімір Макей.

Ён заўважыў, што на заходнім флангу адбываецца усямернае ўмацаванне ваеннага патэнцыялу блока НАТА і ваеннага патэнцыялу саюзнікаў Беларусі. «Калі раней гаварылася, што сілы НАТА або амерыканскія кантынгенты будуць знаходзіцца там на часовай аснове, то цяпер усё ідзе да таго, што ў прыбалтыйскіх дзяржавах, у Польшчы гэтыя кантынгенты будуць размешчаны на пастаяннай аснове, прычым на бліжэйшым адлегласці ад мяжы — 10-15 км», — дадаў міністр.


У тэму

Беларускі палітолаг Аляксандр Шпакоўскі лічыць, што Беларусь таксама зняла ружовыя акуляры і мне гэты паварот ўяўляецца канчатковым.

Іншая справа, што Мінску і Маскве неабходна ад абароны перайсці да наступлення.

1. Завяршыць будаўніцтва Саюзнай дзяржавы як наднацыянальнага ўтварэння з захаваннем суверэнiтэту дзвюх краін і падцягваць да саюзнага ядра іншыя дзяржавы ЕАЭС.

2. Аб’явіць постсавецкую прастору зонай прыярытэтных інтарэсаў, аднаўленне Саюза былых рэспублік СССР — галоўнай мэтай.

3. Весці праактыўную палітыку на напрамку Украіны. Цяперашні ўкраінскі рэжым — інструмент агрэсіі Захаду і ўяўляе пагрозу бяспецы Саюзнай дзяржавы. Такім чынам мэта — дэмантаж гэтага рэжыму, вяртанне Украіны ў традыцыйную арбіту рускай цывілізацыі, правядзенне маштабнай дэнацыфікацыі грамадства гэтай краіны.

4. Ідэалогія новага Саюза: традыцыйныя каштоўнасці, сацыяльная справядлівасць і роўныя магчымасці пры павазе да прыватнай уласнасці, шматпалярны сусветны парадак, абарона малых краін па ўсім свеце ад дыктату Захаду і каляровых рэвалюцый.

Выбар рэдакцыі

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа... 

Калейдаскоп

Правілы чамадана. Парады па зборы ў адпачынак ад розных спецыялістаў

Правілы чамадана. Парады па зборы ў адпачынак ад розных спецыялістаў

 Куды б вы ні накіроўваліся, пытанне «Што пакласці ў чамадан, а што пакінуць дома?» цяпер актуальнае для многіх.

Культура

Рэктар БДУКМ Наталля Карчэўская: Мая работа — гэта творчасць кожны дзень!

Рэктар БДУКМ Наталля Карчэўская: Мая работа — гэта творчасць кожны дзень!

«Жанчыну, якая займаецца танцамі, відаць здалёк!»