Вы тут

Стартуе конкурс дзіцячых відэаролікаў «Прававы лайфхак»


Конкурс відэаролікаў «Прававы лайфхак» «У мяне шчаслівае дзяцінства — гэта маё права» для дзяцей і падлеткаў ад шасці да 17 гадоў у Дзень абароны дзяцей пачынаецца на Дзіцячым прававым сайце. Работы на крэатыўнае спаборніцтва, арганізаванае Нацыянальным цэнтрам прававой інфармацыі сумесна з Беларускім рэспубліканскім саюзам юрыстаў, прымаюцца з 1 да 30 чэрвеня, паведамляецца на Нацыянальным прававым інтэрнэт-партале.


Конкурс скіраваны на фарміраванне прававой і інфармацыйнай культуры падлеткаў, гаворыцца на сайце. Удзельнікі могуць даслаць свае работы (індывідуальныя або групавыя — з удзелам не больш як трох чалавек) на электронную пошту konkurs@ncpi.gov.by. Пры гэтым неабходна ўказаць назву працы, кантактную інфармацыю і ўзрост канкурсанта, а памер дасылаемага ліста не павінен быць большым за 10 Мб. Дарослыя могуць дапамагаць у стварэнні работы толькі ў якасці акцёраў відэароліка.

Падлеткам прапануецца стварыць прававыя відэалайфхакі па наступных тэмах. Правы і абавязкі дзіцяці. Сацыяльная абарона сям’і і дзяцей дзяржавай. Правапарушэнні непаўналетніх і наступствы іх здзяйснення. Абарона правоў дзяцей-сірот і дзяцей, якія засталіся без папячыцельства бацькоў. Правы дзяцей-інвалідаў. Іншая тэматыка, якая датычыцца правоў, абавязкаў і адказнасці непаўналетніх.

Паняцце «лайфхак» у дадзеным выпадку азначае карысныя рашэнні, рэкамендыцыі, разумныя парады і нават інструкцыі, як правільна, з карысцю і ў межах закона рэалізаваць свае правы і абавязкі. Удзельнікам прапануецца расказаць у відэа, як зрабіць сваё жыццё лепш і быць больш культурным і адукаваным у прававых момантах. А таксама як больш прадуктыўна арганізоўваць вучобу і адпачынак, клапаціцца пра здароўе і эфектыўна выкарыстоўваць камп’ютарныя тэхналогіі, патлумачылі арганізатары.

Тэхнічныя патрабаванні да конкурснага файла: хранаметраж відэа — адна хвіліна, аптымальнае раздзяленне — 1080 × 1920 пікселаў, суадносіны бакоў — 9:16, памер — 100 Мб, фармат — MP4 або MOV.

Арганізатары абяцаюць, што ўзнагароджанне пераможцаў прызамі і дыпломамі адбудзецца 30 ліпеня — у Міжнародны дзень сяброўства.

Ірына СІДАРОК

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.