У Іванаўскім раёне рэканструявалі стаянку штаба Пінскай партызанскай брыгады ва ўрочышчы Красіна, паведаміў намеснік старшыні райвыканкама Рыгор Сыса, перадае БелТА.
Штаб Пінскай партызанскай брыгады размяшчаўся ў атрадзе імя Арджанікідзэ непадалёк ад вёскі Махро. Некалькі гадоў таму стаянку вырашылі рэканструяваць. У выніку атрымалася стварыць адначасова помнік і музей пад адкрытым небам. «Ёсць дастаткова матэрыялаў пра гісторыю партызанскага руху на гэтых землях. Хочам расказаць пра гэта жыхарам нашага раёна і гасцям. Пры стварэнні аб’екта супрацоўнічалі з Драгічынскім ваенна-гістарычным музеем. Можна праводзіць экскурсіі пасля наведвання музея на месцы, дзе непасрэдна дыслакаваліся атрад і штаб брыгады» , — выказаў меркаванне Рыгор Сыса.
Падчас працы над экспазіцыяй былі рэканструяваны жылыя зямлянкі, зямлянкі штаба і разведкі, санчастцы, траншэі з Бліндажамі. Адноўлены лясная школа і партызанская кухня. Зрубамі ўмоўна паказана, дзе размяшчаліся студні.
Адкрыццё экспазіцыі намечана на 6 чэрвеня. Можна будзе акунуцца ў атмасферу быту партызанскага атрада, у гэтым дапамогуць ваенна-гістарычныя рэканструктары з Брэста і Бярозы. Лагер будзе адкрыты для наведвання і ў іншыя дні.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.