Учора ў Мінску адкрыўся ХVІ Рэспубліканскі экалагічны форум і І Міжнародная спецыялізаваная выстаўка Ecology Expo-2021.
На працягу трох дзён удзельнікі мерапрыемстваў будуць знаёміцца з новымі «зялёнымі» тэхналогіямі, прыкладамі энергаэфектыўнага будаўніцтва, экалагічнага транспарту, спосабамі эфектыўнага выкарыстання адходаў, арганічнай і экалагічнай прадукцыі, экатурызму, найлепшых практык «зялёных» школ. Галоўная тэма рэспубліканскага экалагічнага форуму — «Далучэнне грамадскасці да прыняцця экалагічных рашэнняў».
Падчас цырымоніі адкрыцця форуму міністр прыродных рэсурсаў і аховы навакольнага асяроддзя Андрэй Худык расказаў, што ўдзел у форуме бяруць дзяржаўныя органы, бізнес, прадпрыемствы, грамадскія арганізацыі, міжнародныя партнёры, моладзь, СМІ, грамадзяне, якія беражліва ставяцца да навакольнага асяроддзя, і падзякаваў кіраўніцтву краіны за стварэнне спрыяльных умоў для прыняцця экалагічных рашэнняў.
На выстаўцы значнае месца займае Мінпрыроды. Гэты стэнд, напрыклад, наглядна ілюструе перспектывы ўдасканальвання сістэмы абыходжання з адходамі.
Вераніка КОЛАСАВА
Фота Анатоля КЛЕШЧУКА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.