Вы тут

У Кобрынскім раёне адкрыўся аб'ект у фармаце самаабслугоўвання


У невялікіх населеных пунктах, дзе не вельмі шырока прадстаўлены гандлёвыя сеткі, на пошце адкрываюцца сапраўдныя міні-супермаркеты. Пакупнік можа купіць там самыя розныя прадукты харчавання, гаспадарчыя рэчы, прамысловыя тавары. Маецца неблагі асартымент галантарэі і парфумерыі. Адным словам, усе тавары першай неабходнасці можна набыць тут, калі зайшоў на пошту аплаціць паслугі, атрымаць пасылку альбо падпісацца на любімае выданне.


Та­ва­ры на па­лі­цах пош­та-мар­ке­та.

Нядаўна такі аб'ект адкрылі ў вёсцы Корчыцы Кобрынскага раёна. Жыхарка вёскі настаўніца Ірына Назарук сказала: «Гэта вельмі зручна для жыхароў. У населеным пункце, дзе пражывае прыкладна 200 чалавек, ёсць толькі адна крама райспажыўкааперацыі. А цяпер, выходзіць, з'явіўся канкурэнт, што заўсёды ідзе на карысць цэнавай палітыцы. Тым больш што паштавікі і раней прапаноўвалі дэмакратычныя цэны на свой асартымент. А цяпер яшчэ і асартымент тавараў стаў у разы большы».

Для бяспекі і захавання тавараў устаноўлена сістэма відэаназірання, экран якой знаходзіцца на рабочым стале начальніка аддзялення сувязі.

 На­чаль­нік ад­дзя­лен­ня паш­то­вай су­вя­зі Кор­чы­цы Свят­ла­на Ча­рап­ко  з па­куп­ні­цай у ганд­лё­вай за­ле.

Гандлёвая зала пошты выдатна ўмясціла абсталяванне стандартных памераў са стэлажамі, глыбокімі паліцамі, халадзільнікам. Халадзільнае абсталяванне спатрэбілася для рэалізацыі прадуктаў глыбокай замарозкі (тут можна набыць курыцу, мясныя субпрадукты). У аддзяленні сувязі арганізаваны гандаль пад заказ. Пакупнікі маюць магчымасць пакінуць папярэднія заяўкі на набыццё тавараў для саду і агарода, буйнагабарытнай тэхнікі, бытавой тэхнікі, веласіпеда. Усё гэта будзе дастаўлена ў сціслыя тэрміны, а чалавеку не спатрэбіцца ехаць у райцэнтр, шукаць транспарт для дастаўкі. Гэта асабліва важна для пенсіянераў, адзінокіх людзей.

Вельмі зручна, што насупраць вітрыны з таварамі размешчаны інфармацыйны стэнд з рэкламай паштовай прадукцыі і паслуг, а таксама куток кліента. Такім чынам, вясковыя жыхары, якія прыходзяць на пошту, могуць паспяхова правесці ўсе неабходныя паштовыя аперацыі, аплаціць паслугі, а заадно зрабіць неабходныя пакупкі. Корчыцкі пошта-маркет стаў 14-м па ліку ў вобласці.

Святлана ЯСКЕВІЧ

Загаловак у газеце: Калі ласка, у пошта-маркет

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.