Вы тут

Чаму ў чэрвені трэба наведаць Маладзечна?


Звычайна ў чэрвені ў Маладзечне ладзіцца фестываль беларускай песні і паэзіі. Гэтае лета, нягледзячы на пандэмію, не стане выключэннем. Арганізатары запрашаюць усіх аматараў паэтычнага слова наведаць горад: 11 і 12 чэрвеня фестываль адбудзецца дваццаты раз.


Калі ўсё пачалося?

Гісторыя фестывалю пачынае свой адлік ажно з 1993 года. Наступны, 1994 год, прайшоў пад знакам паэзіі Аркадзя Куляшова. За ўсё дзесяцігоддзе правядзення свята арганізатары не забываліся на важныя для беларускай культуры даты: 75-годдзе Уладзіміра Караткевіча, 125-годдзе Янкі Купалы і Якуба Коласа, 75-годдзе Уладзіміра Мулявіна.

Відавочна, што мінулы год прыйшлося прапусціць, бо эпідэміялагічныя абставіны не дазвалялі праводзіць масавыя святы. А вось папярэдні, дзевятнаццаты па ліку фестываль, быў прысвечаны Году малой радзімы і 75-годдзю вызвалення Беларусі ад нямецка-фашысцкіх захопнікаў.

Чаго чакаць сёлета?

«Маладзечна-2021» будзе прысвечана юбілею фестывалю, а таксама Году народнага адзінства. У якасці рэжысёра-пастаноўшчыка адкрыцця форуму выступіць заслужаны дзеяч мастацтваў Беларусі Ніна Осіпава, а мастацкім кіраўніком традыцыйна стане Міхаіл Фінберг.

Арганізатары нагадваюць аб Нацыянальным конкурсе маладых выканаўцаў эстраднай песні. Найлепшыя з іх у першы дзень фестывалю атрымаюць узнагароды. У рамках форуму адбудзецца прэм'ера канцэртнай праграмы «Талака», якая прысвечана памяці адразу дзвюх творчых асоб: класіка беларускай літаратуры Уладзіміра Караткевіча і знакамітага піяніста, аўтара песень Ігара Паліводы. Канцэртную праграму прадставяць салісты Нацыянальнага акадэмічнага канцэртнага аркестра.

Праграма юбілейнага фестывалю

Мерапрыемствы нацыянальнага форуму беларускай песні і паэзіі пройдуць на дзвюх пляцоўках: у летнім амфітэатры і ў Палацы культуры горада Маладзечна.

11 чэрвеня ў 21.30 адбудзецца ўрачыстае адкрыццё ХХ Нацыянальнага фестывалю — канцэртам пад красамоўнай назвай «Талака».

12 чэрвеня ў 11.00 пройдзе гала-канцэрт «Маладзічок запальвае зоркі».

  • У 17.00 пачнецца спектакль «Паўлінка» Нацыянальнага акадэмічнага тэатра Янкі Купалы.
  • У 21.30 фестываль завершыцца гала-канцэртам «Маладзечна — насустрач шлягерам».

13 чэрвеня ў 18.00 запланаваны канцэрт Беларускага дзяржаўнага ансамбля «Песняры». Мерапрыемства прысвечана 80-годдзю Уладзіміра Мулявіна.

Квіткі на ўсе канцэрты ўжо даступныя ў продажы.

Хто арганізоўвае?

Арганізатарамі ХХ Нацыянальнага фестывалю «Маладзечна-2021» сталі: Міністэрства культуры, Мінаблвыканкам, Маладзечанскі райвыканкам, Палац культуры Маладзечна, Нацыянальны акадэмічны канцэртны аркестр Беларусі, а таксама Белтэлерадыёкампанія.

Сустрэнемся на свяце песні і паэзіі!

Арына КАРПОВІЧ

Прэв’ю: БелТА

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.