Вы тут

Добраўпарадкаванне воінскіх пахаванняў, чыгуначных пераходаў


Восем чалавек прыйшлі на прыём грамадзян да кіраўніка Міншчыны Аляксандра Турчына ў Пухавіцкім раёне. Людзей хвалявалі розныя пытанні: ад камунальных да добраўпарадкавання воінскіх пахаванняў.


Апошняе ўзняў старшыня Мінскай абласной арганізацыі грамадскага аб'яднання «Беларускі саюз афіцэраў» Уладзімір Белавусаў. Па яго словах, у вёсцы Блонь знаходзіцца магіла ахвярам вайны і помнік воінам-інтэрнацыяналістам, якія патрабуюць рамонту. Неабходна таксама добраўпарадкаваць лясную дарогу, што вядзе да брацкай магілы, што за шэсць кіламетраў ад вёскі Міжрэчча. Там пахаваны 350 мірных жыхароў і партызан брыгад 1-й Мінскай і «Полымя», што загінулі ў 1941—1944 гадах.

Аляксандр Турчын лічыць, што варта стварыць агульныя помнікі ў буйных населеных пунктах, бо да лясных магіл цяжка дабрацца, а ў аграгарадках іх будуць пастаянна даглядаць.

Жыхары вуліцы Гучака і суседніх у Мар'інай Горцы прасілі пасадзейнічаць у тым, каб змяніць маршрут грамадскага транспарту, паколькі ім далёка ісці да прыпынку. Прадстаўнік райвыканкама ў адказ паабяцаў, што маршрут гарадскога аўтобуса № 3 будзе працягнуты. Для гэтага неабходна ўладкаваць дванаццаць аўтобусных прыпынкаў. Работы пачнуцца ў наступным годзе. Аляксандр Турчын не пагадзіўся з такой пастаноўкай пытання і даручыў адпаведным службам усталяваць прыпынкі сёлета да сярэдзіны ліпеня.

Гараджане таксама паскардзіліся, што ад 2-га чыгуначнага пераезду часам цяжка дабрацца да вуліц Энгельса і Кастрычніцкай. Пасля дажджоў размывае дарогу. Аляксандр Турчын прапанаваў заасфальтаваць абочыну дарогі, каб людзям было зручна і бяспечна ісці. Пры гэтым старшыня Мінаблвыканкама заўважыў, што праблема належнага ўладкавання чыгуначных пераездаў існуе і ў іншых населеных пунктах Міншчыны. У Смалявічах, Калодзішчах пачалі іх вырашаць, але на гэта неабходны немалыя фінансавыя сродкі.

Падчас прыёму жыхары закраналі пытанні якасці пітной вады, добраўпарадкавання тэрыторый і дарог. Для зняцца некаторых з іх патрабуецца больш часу. Аляксандр Турчын распарадзіўся інфармаваць грамадзян аб планах мясцовых органаў улады на кожны год, аб фінансавых магчымасцях у той ці іншай справе.

Таццяна ЛАЗОЎСКАЯ

Прэв’ю: БелТА

Выбар рэдакцыі

Грамадства

Як абараніцца ад махляроў у сферы сучасных тэхналогій

Як абараніцца ад махляроў у сферы сучасных тэхналогій

Фішынг, вішынг — два кіты кіберзлачыннасці

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.