Вы тут

Я зноў выбіраю «Звязду»


Іван Афанасьеў, кандыдат філалагічных навук, дацэнт, загадчык кафедры рускай і сусветнай літаратуры ГДУ імя Ф. Скарыны, лаўрэат штогадовых прэмій за найлепшыя літаратуразнаўчыя публікацыі часопісаў «Полымя», «Маладосць», «Нёман»:


— Мне падабаецца грунтоўнасць публікацый у газеце «Звязда», таму што ў гэтай грунтоўнасці адчуваецца традыцыя, якую захоўвае выданне. Гэта адсылкі да здабыткаў нашай агульнай Вялікай Гісторыі, і ёй «Звязда» была і народжана, і гэтая гісторыя адчуваецца ў падыходзе рэдакцыі да спраў бягучага жыцця. Гэта выдатна. Мне здаецца, што «Звязда» адухоўленая дагэтуль тымі падзеямі, у якіх карані сённяшняй нашай дзяржаўнасці.

Для мяне «Звязда» — яшчэ і асабістыя, вельмі прыемныя, успаміны. На старонках гэтага выдання з'яўляліся матэрыялы, прысвечаныя майму дзядулю, партызану Вялікай Айчыннай вайны Івану Сямёнавіну Гарунову, матэрыялы, прысвечаныя пісьменніку Васілю Быкаву, з якім мне пашчасціла быць знаёмым і ў аспіранцкія гады пісаць навуковую працу па яго творчасці.

Гэтае маё асабістае адчуванне выдання спалучана з усведамленнем таго, што амаль заўсёды «Звязда» — гэта, на мой погляд, эталон густу ў самым высокім сэнсе гэтага паняцця.

Я жадаю «Звяздзе» трымаць сваю марку і быць захавальніцай найлепшых традыцый, не забываць тыя карані і вытокі з савецкага часу, адкуль брала пачатак наша сапраўдная першая форма нацыянальнай дзяржаўнасці. Мне падабаецца, што нацыянальная скіраванасць «Звязды» ў матэрыялах, у разважаннях аўтараў ніколі не азначала нейкую нацыянальную замкнёнасць. Заўсёды гэты нацыянальны беларускі кругагляд арганічна і натуральна спалучаўся з набыткамі і дасягненнямі Савецкага Саюза, народаў, якія складалі гэтую дзяржаву і жылі ў згодзе. І гэта сапраўды тая форма нацыянальнага здзяйснення, якая мае толькі стваральны змест.

Мне хацелася б, каб гэтае разуменне панавала і ў нашым сённяшнім грамадстве. «Звязда» ў сваіх публікацыях і самім фактам свайго існавання гэтую гармонію нацыянальнага і агульнага заўсёды сведчыла.

У выданні маю ўвагу прыцягваюць матэрыялы гісторыка-асветніцкага кшталту, таксама цікаўлюся савецкім перыядам гісторыі і спалучэннем нацыянальнай і савецкай традыцыі, якое не было штучным. Мне падаецца, што пэўная недастатковасць увагі да гэтага феномену — спалучэнне савецкага, нацыянальнага, гістарычнага — усё ж такі адчуваецца і ў прэсе. Таму заўсёды з цікавасцю звяртаюся да тых публікацый, дзе гэты перыяд гісторыі нашай дзяржаўнасці падаецца праз цікавыя новыя факты, архіўныя знаходкі.

Наталля КАПРЫЛЕНКА

Выбар рэдакцыі

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота...