Вы тут

Прэзідыум Савета Міністраў абмеркаваў эфектыўнасць рэалізацыі дзяржаўных праграм па выніках пяцігодкі


Па словах прэм'ер-міністра Беларусі Рамана Галоўчанкі, у 2016—2020 гадах рэалізоўвалася 21 дзяржаўная праграма, якая падпадае пад ацэнку, агульны аб'ём фінансавання — Br357 млрд, з іх бюджэтныя сродкі — больш за Br111 млрд.


Фота БелТА.

«Асобныя праграмныя мерапрыемствы, якія фарміруюць паказчыкі якасці жыцця насельніцтва і ўзроўню камфорту, выкананы з добрым вынікам. Напрыклад, забяспечанасць насельніцтва жыллём у разліку на аднаго жыхара павялічана да 28,3 кв. м, створана каля 7,7 тыс. аб'ектаў сацыяльнай і транспартнай інфраструктуры, у тым ліку для людзей з абмежаванымі магчымасцямі. Адрамантавана і рэканструявана амаль 7,5 тыс. км мясцовых аўтамабільных дарог. Згодна з падагульняючай справаздачай, 48 працэнтаў дзяржпраграм аднесены да высокаэфектыўных і эфектыўных, па астатніх эфектыўнасць ацэньваецца як сярэдняя», — цытуе Рамана Галоўчанку БелТА.

Ён адзначыў тэндэнцыю, якая насцярожвае — да канца пяцігодкі знізілася доля высокаэфектыўных праграм, не выканана пятая частка зводных мэтавых паказчыкаў. Асобныя з іх не выконваліся на працягу ўсяго перыяду рэалізацыі дзяржпраграм.

«Гэта суадносіны запазычанасці і выручкі ад рэалізацыі прадукцыі ў сельскай гаспадарцы (праграма «Аграрны бізнес»), удзельная вага валавой дабаўленай вартасці, якая фарміруецца малым і сярэднім бізнесам (праграма «Малое і сярэдняе прадпрымальніцтва»)», — акцэнтаваў увагу прэм'ер-міністр.

У галіне развіцця лічбавай эканомікі не рэалізаваны або не цалкам рэалізаваны праекты электроннага «бальнічнага», сістэм беспапяровага гандлю, аўтаматызацыі адміністрацыйных працэдур, электроннай школы, сістэмы кіравання дзяржфінансамі. Шмат нявыкананых мерапрыемстваў і па дзяржпраграмах «Энергазберажэнне», «Будаўніцтва жылля».

Міністр эканомікі Аляксандр Чарвякоў адзначыў, што высокаэфектыўнымі прызнаныя дзяржпраграмы «Здароўе народа і дэмаграфічная бяспека», «Адукацыя і маладзёжная палітыка», «Беларусь гасцінная».

Акрамя таго, міністр расказаў, якія навацыі плануецца ўкараніць у бягучай пяцігодцы — рэзультатыўнасць дзяржпраграм будуць ацэньваць не толькі на ўзроўні краіны, але і на ўзроўні кожнага рэгіёна. Таксама Міністэрства эканомікі распрацоўвае лічбавую платформу, якая, акрамя маніторынгу выканання дзяржпраграм, будзе ўключаць апытанні насельніцтва.

Выбар рэдакцыі

Грамадства

Як абараніцца ад махляроў у сферы сучасных тэхналогій

Як абараніцца ад махляроў у сферы сучасных тэхналогій

Фішынг, вішынг — два кіты кіберзлачыннасці

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.