Вы тут

Стужка «Санеты памяці» была ўзнагароджана дыпломам МКФ «Залаты Віцязь»


Тэлепрэм'ера фільма «Санеты памяці» адбылася ў снежні мінулага года і была прымеркавана да Дня беларускага кіно. Сваю новую дакументальна-біяграфічную работу Сяргей Кацьер прысвяціў Таццяне Логінавай — адной з самых знакамітых жанчын-кінааператараў гульнявога кіно на постсавецкай прасторы, лаўрэату Дзяржаўнай прэміі СССР, з-пад майстэрскай рукі якой выйшлі адметныя ваенныя, гістарычныя і меладраматычныя стужкі, у тым ліку экранізацыі класікаў айчыннай літаратуры Уладзіміра Караткевіча, Васіля Быкава і Івана Шамякіна — «Знак бяды», «Чорны замак Альшанскі», «Дзікае паляванне караля Стаха», «Глыбокая плынь» і іншыя.


Фота: Белтэлерадыёкампанія.

У маі стужка «Санеты памяці» брала ўдзел у асноўнай конкурснай праграме дакументальнага поўнага метра міжнароднага кінафоруму «Залаты Віцязь» — найбуйнейшага і найстарэйшага расійскага фестывалю духоўна-асветніцкага кіно, дзе была ўдастоена спецыяльнага дыплома журы «За нетрывіяльнае рэжысёрскае рашэнне ў жанры творчага партрэта». Фільм прадстаўляла ў Севастопалі творчая група тэлеканала «Беларусь 3» — аўтар і рэжысёр Сяргей Кацьер, які, дарэчы, таксама ўваходзіў у склад журы ад нашай краіны ў секцыі кароткага дакументальнага метра, і аператар стужкі Дзяніс Бутылін.

Варта адзначыць, што па выніках юбілейнага «Залатога Віцязя» сацыякультурны тэлеканал рыхтуе шэраг тэматычных выпускаў уласных праектаў. Так, у хуткім часе гледачоў чакаюць серыі праграмы «Камертон» з удзелам рэжысёраў Мікалая Бурляева, Сяргея Зайцава, Валерыя Цімошчанкі і Горана Паскалевіча, а таксама спецвыпускі праекта «Культурны рэпартаж», прысвечаныя юбілею кінафоруму і знакамітым айчынным майстрам кіно, анімацыі і музыкі, якія не раз станавіліся лаўрэатамі, пачэснымі гасцямі і сябрамі «Залатога Віцязя» на працягу ўсёй яго трыццацігадовай гісторыі.

Алена ДРАПКО

Загаловак у газеце: Фільм з міжнародным прызнаннем

Выбар рэдакцыі

Грамадства

Ацэнка дзеянняў урада і давер да апазіцыі — Мусіенка пракаменціраваў вынікі сацапытання

Ацэнка дзеянняў урада і давер да апазіцыі — Мусіенка пракаменціраваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах. 

Грамадства

Ва ўстановах адукацыі чакаюць сваіх абітурыентаў

Ва ўстановах адукацыі чакаюць сваіх абітурыентаў

Вызначыцца з выбарам прафесіі і месцам навучання можна да 7 жніўня ўключна.

Спорт

«Максім сказаў і зрабіў». Бацькі і трэнеры пра алімпійскі поспех Максіма Недасекава

«Максім сказаў і зрабіў». Бацькі і трэнеры пра алімпійскі поспех Максіма Недасекава

У сераду ў Мінск вярнуўся бронзавы прызёр Алімпійскіх гульняў у скачках у вышыню Максім Недасекаў.