Вы тут

Сонечны зайчык стаў прычынай пажару. Судовыя эксперты-пажаратэхнікі патлумачылі, як такое магчыма


Не так даўно ў Лідзе ў службу МНС паступілі звесткі, што адзін з пакояў на адзінаццатым паверсе інтэрната загарэўся. Пах гары адчуў сусед, які і выклікаў выратавальнікаў. Сам гаспадар у гэты час быў на працы. Супрацоўнікам МНС, якія прыбылі на месца здарэння, ліквідавалі пажар, выбіўшы дзверы. Агонь сапсаваў драўляны падваконнік і стол. Абышлося без пацярпелых. Паводле папярэдняй версіі, прычынай узгарання сталі сонечныя прамяні, якія сфакусаваліся на паверхні драўлянага стала праз шкляны слоік, напоўнены вадой. Слоік стаяў на падваконніку ў пакоі, на вуліцы ў той дзень было сонечнае надвор’е.


Каб ўстанавіць тэхнічную прычыну пажару, прызначалася судовая пажарна-тэхнічная экспертыза ва ўпраўленні Дзяржаўнага камітэта судовых экспертыз па Гродзенскай вобласці.

Намеснік начальніка ўпраўлення спецыяльных экспертыз УГКСЭ па Гродзенскай вобласці падпалкоўнік юстыцыі Дзяніс КРАПІЎНІЦКІ распавёў аб выніках праведзенай экспертызы:

— Устаноўлена, што ў дадзеным выпадку адбылося спалучэнне шэрагу ўмоў, якія і прывялі да пажару. Гэта — наяўнасць сонечных прамянёў, прадмета, здольнага факусаваць сонечныя прамяні, а менавіта шклянога слоіка з вадой, і гаручага матэрыялу (у дадзеным выпадку гаворка ідзе аб паверхні драўлянага стала). У кропцы факусіроўкі сонечных прамянёў тэмпература паступова павялічвалася і дасягнула тэмпературы самазагарання (тлення) адпаведнага матэрыялу. У экспертнай практыцы такія здарэнні сустракаюцца рэдка, але, як бачым, выключаць іх не варта.

Падобны выпадак адбыўся ў мінулым годзе ў Юрацішках Іўеўскага раёна. Жанчына пакінула трохлітровы слоік з вадой на прыступках веранды свайго дома і сышла. Праз некаторы час грамадзянін заўважыў, што ад дома ідзе дым і выклікаў МНС. Як і ў папярэдняй сітуацыі, прычынай пажару сталі сонечныя прамяні, якія сфакусаваліся на паверхні драўлянай ашалёўкі веранды дома праз шкляны слоік, напоўненую вадой.

Фокусам аптычнай сістэмы могуць быць розныя шкляныя слоікі і бутэлькі з вадой, акуляры, павелічальнае шкло і іншыя прадметы. У сонечныя дні грамадзянам варта памятаць пра гэта, каб пазбегнуць падобных здарэнняў.

Сёлета судовымі экспертамі ўпраўлення Дзяржаўнага камітэта судовых экспертыз па Гродзенскай вобласці праведзена больш за 90 пажарна-тэхнічных экспертыз. Як паказвае практыка, найбольш частая прычына пажараў — гэта бестурботнасць людзей пры выкарыстанні крыніц адкрытага агню. Таксама не менш распаўсюджанай прычынай ўзнікнення пажараў з’яўляюцца няспраўнасці або невыкананне правілаў эксплуатацыі электратэхнічных прылад у электрычных сетках, што часцяком у канчатковым выніку прыводзіць да стварэння ў іх пажаранебяспечных аварыйных рэжымаў, такіх як перагрузка, фармаванне вялікіх пераходных супраціваў, кароткае замыканне.

Летам пытанне забеспячэння пажарнай бяспекі з’яўляецца асабліва актуальным, заўважаюць у кіраванні ГКСЭ па Гродзенскай вобласці. Справа ў тым, што ў гарачыя і сухія дні вялікая небяспека ўзнікнення пажараў у памяшканнях, на прысядзібных участках, а таксама ў лясных масівах. Банальная неасцярожнасць з агнём можа прывесці да пажару і стаць прычынай сур’ёзных наступстваў.

Аліса СКІБА

Выбар рэдакцыі

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота...