Вы тут

Ігар Петрышэнка: Зрабіць так, каб людзі з інваліднасцю не адчувалі ўшчамлення


На базе Баранавіцкага дзяржаўнага ўніверсітэта пад старшынствам намесніка прэм'ер-міністра Ігара Петрышэнкі прайшло чарговае пасяджэнне Рэспубліканскага міжведамаснага савета па праблемах інвалідаў, паведамілі ў прэс-службе Міністэрства працы і сацыяльнай абароны.


Удзельнікі разгледзелі пытанні па вырашэнні праблем людзей з інваліднасцю ў Брэсцкай вобласці, а таксама павышэння эфектыўнасці міжведамаснага ўзаемадзеяння пры стварэнні даступнага асяроддзя ў краіне і ажыццяўленні пастаяннага маніторынгу гэтай работы.

Да пачатку пасяджэння савета ўдзельнікі азнаёміліся з дзейнасцю ўніверсітэта, работай рэсурснага цэнтра інклюзіўнай адукацыі, а таксама з выставай вырабаў ручной работы, карцін людзей з інваліднасцю.

Віцэ-прэм'ера прыемна ўразіла: звычайныя студэнты, якія навучаюцца з хлопцамі з інваліднасцю, нават не ведаюць, што іх аднакурснікі асаблівыя.

— Гэта значыць, забяспечана камфортнае асяроддзе для сацыялізацыі такіх маладых людзей у студэнцкае жыццё. Яны атрымліваюць якасную, добрую адукацыю, дэманструюць належны ўзровень ведаў, здаюць нароўні з усімі экзамены — ніякіх патуранняў тут няма. Бо галоўная задача — каб яны потым маглі, як і ўсе, рэалізавацца ў прафесіі. Дарэчы, мы ўзялі для сябе яшчэ такі вектар, як садзейнічанне ў працаўладкаванні людзей з абмежаванымі магчымасцямі. Па выніках мінулага года ў гэтым кірунку значна прыраслі: у нас 68,8 тысячы такіх людзей працаўладкавана, — адзначыў Ігар Петрышэнка.

Ён канстатаваў, што ў нашай краіне 564,5 тысячы інвалідаў, у тым ліку 34,5 тысячы — дзеці да 18 гадоў. Для гэтай катэгорыі важна стварыць элементы сацыялізацыі, інклюзіўнага асяроддзя, каб яны маглі рэалізоўвацца і ў навучанні, і ў прафесіі.

— Далей будзем рухацца так, каб у нашых гарадах, на ўсіх інфраструктурных аб'ектах было ўсё, каб людзі з абмежаванымі магчымасцямі не адчувалі нейкага ўшчамлення, — падкрэсліў віцэ-прэм'ер.

Наступнае пасяджэнне адбудзецца ў Віцебскай вобласці, каб на месцы выяўляць недахопы ў рабоце і шукаць шляхі вырашэння канкрэтных праблем у рэгіёнах.

— Гэта комплексны падыход: важна паглядзець, як будуецца работа па ўсіх напрамках, у прыватнасці, як створана безбар'ернае асяроддзе, вырашаюцца іншыя пытанні людзей з інваліднасцю: аказанне медыцынскай, сацыяльнай дапамогі, сацыялізацыя ў адпаведнасці з медыцынскімі паказаннямі, — растлумачыў Ігар Петрышэнка.

Віцэ-прэм'ер таксама пазнаёміўся з работай прадпрыемства па вырабе абутку «Блік» Беларускага таварыства глухіх. Завяршылася работа савета цырымоніяй адкрыцця міжрэгіянальнай спартландыі «Вясёлыя старты» з удзелам людзей з інваліднасцю.

Алена КРАВЕЦ

Прэв’ю — pixabay.com

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.