Вы тут

Беларускі выйгралі 4 медалі ў фіналах асобных відаў ЧЕ па мастацкай гімнастыцы ў Балгарыі


На чэмпіянаце Еўропы па мастацкай гімнастыцы ў Варне (Балгарыя) беларускі выйгралі чатыры медалі ў фіналах асобных відаў, паведамляе БелТА.


У практыкаванні са стужкай Аліна Гарноська выйграла срэбра, атрымаўшы ад суддзяў ацэнку 23,200 бала. Золата выйграла расіянка Дзіна Аверына — 28,350 бала. Бронза ў яе сястры Арыны Аверынай — 22,600 бала.

На рахунку Аліны Гарнасько таксама бронза за практыкаванні з мячом. Яе адзнака — 28,500 бала. Першынствавала ў гэтым відзе праграмы расейка Дзіна Аверына — 28,850 бала. Другое месца ў Лінай Ашрам з Ізраіля (28,600).

Аліна Гарноська.

Двума бронзавымі медалямі скарбонку зборнай Беларусі папоўніла Анастасія Салос. Яна замкнула тройку наймацнейшых у практыкаванні з абручом з ацэнкай 27,650 бала. Апярэдзіць яе змаглі толькі Дзіна Аверына (28,350) і Лінай Ашрам (27,850).

Таксама бронзавы медаль Анастасія Салос выйграла ў практыкаванні з булавамі. Ацэнка беларускай грацыі — 27,800 бала. Першынствавала Лінай Ашрам — 28,500 бала. Другое месца ў Дзіны Аверын — 28,200 бала.

Раней беларускія грацыі выйгралі серабро ў камандным заліку, дзе ўлічваліся вынікі ў індывідуальных і камандных спаборніцтвах. Акрамя таго, юніёрская зборная ў групавых практыкаваннях заняла 3-е месца ў практыкаванні з пяццю мячамі.

Фота danielecifala.com

Выбар рэдакцыі

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах. 

Грамадства

Ва ўстановах адукацыі чакаюць сваіх абітурыентаў

Ва ўстановах адукацыі чакаюць сваіх абітурыентаў

Вызначыцца з выбарам прафесіі і месцам навучання можна да 7 жніўня ўключна.

Спорт

«Максім сказаў і зрабіў». Бацькі і трэнеры пра алімпійскі поспех Максіма Недасекава

«Максім сказаў і зрабіў». Бацькі і трэнеры пра алімпійскі поспех Максіма Недасекава

У сераду ў Мінск вярнуўся бронзавы прызёр Алімпійскіх гульняў у скачках у вышыню Максім Недасекаў.

Грамадства

Рэгістрацыйныя карткі для таксістаў

Рэгістрацыйныя карткі для таксістаў

А яшчэ нармальны рабочы дзень, адпачынак і права на «бальнічны»...