Андрэй Лабовіч, першы намеснік міністра працы і сацыяльнай абароны

Андрэй Лабовіч, першы намеснік міністра працы і сацыяльнай абароны:

«За 30 гадоў у органы дзяржаўнай службы занятасці звярнулася больш за 8 млн чалавек. З іх працаўладкавана каля 5,3 мільёна чалавек; змагло прайсці прафесійную падрыхтоўку, перападрыхтоўку каля 550 тысяч беспрацоўных; атрымала субсідыі для арганізацыі ўласнай справы больш за 80 тысяч.За гэтымі лічбамі стаіць напружаная праца спецыялістаў. Сёння дзяржаўная служба занятасці — гэта па-сучаснаму абсталяваныя аддзелы працаўладкавання, якія маюць магутны інфармацыйны рэсурс, зладжаны калектыў прафесіяналаў з вялікім вопытам. У арсенале службы — розныя інструменты садзейнічання беспрацоўным у пошуку працы, а наймальнікам — у падборы неабходных кадраў».