Мінскі заапарк запрашае на інклюзіўны фэст «Мы патрэбныя адзін аднаму»

У восьмы раз пройдзе адно з самых добрых мерапрыемстваў — дабрачынны інклюзіўны фэст «Мы патрэбныя адзін аднаму». Традыцыйна фестываль аб’яднае на адной пляцоўцы дзяцей-інвалідаў і дзяцей з абмежаванымі магчымасцямі здароўя, іх бацькоў і ўсіх жадаючых, паведамляецца на сайце заапарку.

Для гасцей і ўдзельнікаў фестывалю падрыхтаваны святочны канцэрт з удзелам артыстаў беларускай эстрады і насычаная забаўляльная праграма:

• навуковае шоў «Займальная лабараторыя» і шоў мыльных бурбалак;
• гульнявыя пляцоўкі і майстар-класы;
• зносіны з сабакамі-тэрапеўтамі ад цэнтра каністэрапіі «Корса»;
• тэатр роставых лялек «Боксік»; 
• кантактны заапарк; 
• выстава здароўя;
• дабрачынны кірмаш-продаж і многае іншае.

У гэты дзень усіх гасцей чакаюць прыемныя сюрпрызы ад спонсараў фестывалю.

Прэв’ю — pixabay.com