Вы тут

«Адкажаце за кожны квадратны метр» — Лукашэнка чакае вынікаў ад работы па развіцці Аршанскага раёна


Прэзідэнт Беларусі Аляксандр Лукашэнка прадаўжае рабочую паездку па Віцебскай вобласці. Сёння кіраўнік дзяржавы наведвае Аршанскі мясакансервавы камбінат, перадае БелТА.


Фота: БелТА

Прэзідэнту даложаць аб дзейнасці прадпрыемства, яго фінансава-эканамічных паказчыках і перспектывах развіцця. Аляксандр Лукашэнка таксама азнаёміцца ​​з будаўніцтвам цэха забою і перапрацоўкі свіней і буйной рагатай жывёлы.

Кіраўнік дзяржавы наведваў Аршанскі мясакансервавы камбінат у жніўні 2018 года. Тады ён азнаёміўся з арганізацыяй яго работы і вытворчай базай. Наведаўшы некалькі цэхаў, кіраўнік дзяржавы раскрытыкаваў гаспадарчую дзейнасць прадпрыемства, утрыманне памяшканняў і матэрыяльна-тэхнічнай базы. «Трэба выдзеліць сродкі, арганізаваць новы забойны цэх, усё гэта пазносіць (у адносінах да старых пабудоў. — Заўвага БЕЛТА) і зрабіць сучаснае прадпрыемства. Яно павінна быць як самыя лепшыя мясакамбінаты», — падкрэсліў Аляксандр Лукашэнка.

Першапачаткова на Аршанскім мясакамбінаце планавалася пабудаваць новы забойны цэх. Па меры ўвасаблення гэта ідэя перарасла ў план будаўніцтва маштабнага комплексу па забою і перапрацоўцы мяса свіней і буйной рагатай жывёлы з высокай ступенню перапрацоўкі сыравіны. Аб’ект гатовы на 83 працэнты, завяршыць будаўніцтва плануецца ў лістападзе бягучага года. Яго кошт складае Br106 млн.

«Гэты аб’ект мае стратэгічнае значэнне для Аршанскага раёна. Гэта абумоўлена развіццём рэгіёна, будаўніцтвам тут вялікай колькасці свінагадоўчых прадпрыемстваў і жывёлагадоўчых комплексаў. Яны ўзводзяцца, каб не вазіць здалёку сыравіну і забяспечыць ёй прадпрыемства ў неабходным аб’ёме», — расказваў журналістам віцэ-прэм’ер Аляксандр Субоцін у верасні 2020 года.

Новы комплекс размесціцца на тэрыторыі плошчай 13 тыс. кв.м. Ён будзе ўключаць забойны і халадзільны цэхі, вытворчасць па выпуску паўфабрыкатаў ва ўпакоўцы. Таксама праектам прадугледжана збудаванне новых ачышчальных вытворчых і ліўневых сцёкаў для ўсяго прадпрыемства.

Аршанскі мясакамбінат спецыялізуецца на вытворчасці каўбасных вырабаў, паўфабрыкатаў, мясных кансерваў, у тым ліку для дзіцячага харчавання — усяго больш за 450 найменняў відаў прадукцыі. На прадпрыемстве працуюць 765 чалавек. Акрамя таго, у склад аграпрамысловага аб’яднання ўваходзіць філіял «Талачынскія сыры», на вытворчасці якога заняты 135 чалавек.


«Да мадэрнізацыі Аршанскага мясакансервавага камбіната неабходна падыходзіць разумна і па-гаспадарску»

На прадпрыемстве Аляксандр Лукашэнка пацікавіўся, як будзе наладжаны рабочы працэс у новым цэху і што будзе са старымі вытворчымі і гаспадарчымі будынкамі. Як далажылі Прэзідэнту, іх збіраюцца зносіць, частку тэрыторыі перададуць гораду.

«Трэба разумна падысці. Перш за ўсё падумаць, патрэбна вам гэта тэрыторыя будзе ў перспектыве або не, — падкрэсліў Аляксандр Лукашэнка. — Зрабіць тут, як ты гаворыш, цукерку трэба. Цэх дзіцячага харчавання, як мне дакладвалі, добры. Пакінем моцныя памяшканні, выставім абсталяванне, калі трэба, — і выкарыстоўваць. Трэба падысці па-гаспадарску, разумна».

Што датычыцца новага цэха, то гэта, як расказалі Прэзідэнту, будзе не проста частка вытворчасці. Па сутнасці, пад яго дахам змесцяцца два мясакамбінаты. Паводле слоў выконваючага абавязкі генеральнага дырэктара камбіната Максіма Бакурава, гэта адзіны такі праект у краіне. Прадукцыйнасць новага цэха будзе ў два разы вышэйшая за цяперашнія магутнасці. На вытворчасці прадугледжана ўсё да дробязей, каб у выніку прадукцыя задавальняла любога заказчыка.

Прэзідэнт пацікавіўся наяўнасцю сыравіны для поўнай загрузкі новых цэхаў. Кіраўніка дзяржавы запэўнілі, што работа па нарошчванні аб’ёмаў вытворчасці ў сыравінных зонах пачалася загадзя, каб да канца 2022 года забяспечыць 75-80 працэнтаў сыравіны для камбіната з яго ўласнай сыравіннай зоны.

Асобна Прэзідэнт спытаў пра рэалізацыю прадукцыі мясакансервавага камбіната. Як расказаў выконваючы абавязкі генеральнага дырэктара Максім Бакураў, прадпрыемства цалкам закрывае патрэбнасці Беларусі ў дзіцячых кансервах. Аднак па цане і якасці цяжка канкурыраваць з прадукцыяй, напрыклад, расійскіх вытворцаў. Значна палепшыць сітуацыю дапаможа будаўніцтва і ўвядзенне ў строй сучасных цэхаў забою і перапрацоўкі свіней і буйной рагатай жывёлы, перакананы выконваючы абавязкі гендырэктара.


«Адкажаце за кожны квадратны метр»

Прэзідэнт Беларусі Аляксандр Лукашэнка чакае вынікаў ад работы па развіцці Аршанскага раёна. 

«У канцы года якраз гэтай тэмай зоймемся. Вы адкажаце за кожны квадратны метр», — папярэдзіў Аляксандр Лукашэнка.

Кіраўнік дзяржавы адзначыў, што ні аднаму гораду ў Беларусі не ўдзяляецца такая ўвага, як Оршы. «У мяне ж і Гродна, і Брэст ёсць. Я сюды прыехаў — папісваюць ужо: а калі Прэзідэнт захад наведае?» — дадаў ён.

Паводле слоў губернатара Віцебскай вобласці Мікалая Шарснёва, у Аршанскім раёне сапраўды ўжо зроблена шмат, у рэгіёне будуюцца ўнікальныя аб’екты.

У снежні 2018 года Аляксандр Лукашэнка сваім указам зацвердзіў праграму развіцця Аршанскага раёна да 2023 года. Дакумент быў падпісаны «ў мэтах стварэння ўмоў для комплекснага сацыяльна-эканамічнага развіцця Аршанскага раёна Віцебскай вобласці, павышэння якасці і ўзроўню жыцця насельніцтва, стымулявання прадпрымальніцтва і ўкладання сродкаў у эканоміку рэгіёна, росту даходаў мясцовага бюджэту».

Праз месяц урад зацвердзіў комплекс мер па рэалізацыі гэтай праграмы. У дакуменце абазначаны мерапрыемствы па 18 напрамках: прамысловасць, АПК, транзіт і лагістыка, транспарт, будаўніцтва, сацпадтрымка, занятасць, развіццё малога і сярэдняга прадпрымальніцтва, разумны горад, ЖКП, ахова здароўя, адукацыя, культура, гандаль, турызм і іншыя.

Будзе дапоўнена.

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.