У прыватнасці, цяпер перавозчык можа вызначаць ільготныя катэгорыі пасажыраў для зніжак на паслугі транспартных чыгуначных тэрміналаў. Ці ж паслугі могуць быць бясплатнымі. Пры афармленні льготнага білета ў ім указваецца прозвішча пасажыра і нумар дакумента на зніжку.
Таксама ў новых правілах замацаваны прыярытэт ніжніх месцаў для інвалідаў, ветэранаў Вялікай Айчыннай вайны, баявых дзеянняў на тэрыторыі іншых дзяржаў, а таксама для пасажыраў пенсіённага ўзросту, пасажыраў з дзецьмі да 10 гадоў.
Дазволена пераафармленне білета для разавай паездкі ў цягніку рэгіянальных ліній эканом класа (звычайныя дызелі і электрычкі) на квіток для гарадскіх ліній (новы тып электрычак).
Пры пасадцы ў цягнік міжнародных ліній прад'яўляецца дакумент, які сведчыць асобу, на імя і прозвішча, названыя ў білеце. Калі гэтыя даныя ў білеце не адпавядаюць даным у дакуменце, але ёсць іншы дакумент, які пацвярджае факт іх змянення, то такі пасажыр дапускаецца ў вагон.
Калі ж ёсць разыходжанне больш чым на дзве літары і няма ніякага пацвярджаючага дакумента, як у першым выпадку, пасажыра не пусцяць.
Новаўвядзенні ўступаюць у сілу з 16 чэрвеня.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.