На Гомельшчыне ўзнагародзілі лепшых ідэолагаў

За 16 гадоў правядзення агляду-конкурсу дыпламантамі сталі амаль 320 прадпрыемстваў і арганізацый.

На ўрачыстым мерапрыемстве адзначылі, у нашы дні немагчыма пераацаніць унёсак ідэолагаў у стабілізацыю агульнай сітуацыі ў краіне і ў кожным асобна ўзятым калектыве. Пераможцаў XVI абласнога агляду-конкурсу на лепшую арганізацыю ідэалагічнай работы павіншаваў старшыня Гомельскага аблвыканкама Генадзь Салавей.

— Вы стойка прынялі выклікі 2020 года: пандэмію, інфармацыйныя атакі дэструктыўных Telegram-каналаў. Вашу працу заўважылі і ацанілі нават скептыкі. У мінулым годзе вы раскрылі ў сабе і талент псіхолага. І пакуль медыкі шукалі алгарытмы лячэння невядомага каранавіруса, вы вывучалі публікацыі па гэтай тэме, каб супакойваць людзей на месцах. Вы навучыліся знаходзіць жалезабетонныя аргументы ў любой спрэчцы. Вы сталі жывымі дэтэктарамі хлусні, лёгка адрозніваючы хлусню ад праўды ў бясконцым патоку інфармацыі, — падзякаваў ідэолагам кіраўнік рэгіёна. Ён падкрэсліў, — ідэалагічныя кадры па праве сталі вядучымі праваднікамі дзяржаўнай палітыкі і апорай суверэнітэту краіны.

Узгнагароды па выніках работы за 2020 год атрымалі 35 пераможцаў агляду-конкурсу. Так, сярод прамысловых прадпрыемстваў першае месца прысуджана ААТ «Гомсельмаш», другое — ЗАТ «Гомельскі вагонабудаўнічы завод», на трэцім адразу два фіналіста — ААТ «Мілкавіта» і ААТ «Жлобінская швейная фабрыка». Сярод прадпрыемстваў сельскагаспадарчай галіны — лідар Веткаўская раённая ветэрынарная станцыя, другое месца — за прадпрыемствам з Буда-Кашалёўшчыны РДСУП «Беларуснафта-Асобіна», трэцяе — у Палескага вытворчага ўчастка ААТ «Мілкавіта», што ў Хойніцкім раёне. Сярод будаўнічых арганізацый — першая месца прысуджана ААТ «Гомельскі домабудаўнічы камбінат», другое — ААТ «Гомельбудматэрыялы», трэцяе — будаўнічаму унітарнаму прадпрыемству з Мазыра «Палессе-Прамжылбуд» і філіялу «Чачэрскае дарожна-эксплуатацыйнае ўпраўленне № 115» КПРБУП «Гомельаблдарбуд». У сферы транспарту і сувязі тройка лідараў — філіялы «Аўтобусны парк № 1» і «Жлобінаўтатранс» ААТ «Гомельаблаўтатранс», ААТ «Гомельтранснафта Дружба». У сферы ЖКГ лепшымі прызнаныя КУП «Камунальнік Калінкавіцкі», КУП «Жылкамсэрвіс-два» (Жлобінскі раён), КЖЭУП «Рагачоў». Сярод арганізацый аховы здароўя, аб’ектаў аказання сацыяльных паслуг пераможцамі названыя Гомельская цэнтральная гарадская паліклініка, Гомельская гарадская клінічная бальніца № 3 і Лельчыцкі тэрытарыяльны цэнтр сацыяльнага абслугоўвання насельніцтва. У шэрагу лідараў сярод ВНУ — Гомельскі дзяржмедуніверсітэт, БелДУТ, Гомельскі філіял УА «Універсітэт грамадзянскай абароны Міністэрства па надзвычайных сітуацыях Рэспублікі Беларусь». Сярод устаноў прафесійна-тэхнічнай і сярэдняй спецыяльнай адукацыі адзначаны Палескі дзяржаўны аграрны каледж імя Міцкевіча (Калінкавічы), Рагачоўскі дзяржаўны педагагічны каледж, Гомельскі дзяржаўны прафесійна-тэхнічны каледж электратэхнікі. Лідарамі сярод устаноў агульнай сярэдняй адукацыі сталі сярэдняя школа № 21 Гомеля, гімназія ў Буда-Кашалёве, сярэдняя школа № 12 Мазыра і Радужская сярэдняя школа імя Батракова ў Веткаўскім раёне. Адразу пяць пераможцаў вызначаны ў галіне культуры — Гомельская абласная ўніверсальная бібліятэка імя Леніна, дзіцячая школа мастацтваў Ельска і Светлагорскі цэнтр культуры, Петрыкаўская дзіцячая школа мастацтваў і Мазырская цэнтральная раённая бібліятэка імя Пушкіна.

Наталля КАПРЫЛЕНКА

Фота Ганны ПАШЧАНКА