У Віцебску мужчына заступіўся за дзяўчыну і атрымаў удар нажом у спіну

Ноччу ў міліцыю з абласной бальніцы паступіла паведамленне, што да іх брыгадай хуткай з нажавым раненнем дастаўлены 33-гадовы мужчына.

Праваахоўнікам пацярпелы распавёў, што ўвечары ён вяртаўся дадому. Каля інтэрната ўбачыў, як сварацца малады чалавек і дзяўчына. Падчас канфлікту хлопец ударыў сяброўку і гэта абурыла мужчыну. Ён падышоў да парачкі і стаў заступацца за дзяўчыну. Малады чалавек спалохаўся і ўцёк, а грамадзянін прапанаваў праводзіць дзяўчыну. Яна пагадзілася. Падчас прагулкі да іх падбег той самы малады чалавек і ўдарыў пацярпелага нажом у спіну.

Як паведамляе аддзяленне інфармацыі і грамадскіх сувязяў УУС Віцебскага аблвыканкама, характэрна, што пасля гэтага дзяўчына таксама паспяшалася збегчы, а хуткую мужчыне выклікаў выпадковы мінак. Аператыўнікі крымінальнага вышуку з дапамогай нарада супрацоўнікаў АМАПа ўстанавілі ўсіх удзельнікаў здарэння. Нападаўшым аказаўся 20-гадовы жыхар абласнога цэнтра. Ён паведаміў, што падчас канфлікту зразумеў, што не здолее перамагчы апанента, а таму збегаў дадому за нажом. Пасля здзяйснення злачынства ён думаў пра тое, як схавацца ад прадстаўнікоў закона, але не паспеў гэта зрабіць. Малады чалавек затрыманы, распачата крымінальная справа.

Сяргей РАСОЛЬКА