Вы тут

У Докшыцкім раёне пройдзе абласная акцыя памяці знішчаных фашыстамі вёсак


У мемарыяльным комплексе «Шунеўка» ў Докшыцкім раёне 22 чэрвеня роўна ў 4 гадзіны раніцы пачнецца акцыя памяці «Дарогамі спаленых вёсак» у памяць пра знішчаныя фашыстамі вёскі і сёлы Віцебскай вобласці.


Фота: planeta Belarus

Як паведамілі карэспандэнту «Звязды» ў аддзеле ідэалагічнай работы, культуры і па справах моладзі Докшыцкага райвыканкама, у акцыі будуць удзельнічаць аўтаклубы вобласці. Прадстаўнікі кожнага раёна прывязуць карту спаленых вёсак свайго рэгіёна, раскажуць, колькі іх было, колькі так і не паўстала з попелу. Перад пачаткам мітынгу-рэквіема для гасцей мерапрыемства правядуць экскурсію па мемарыяльным комплексе, пабудаваным на месцы спаленай вёскі Шунеўка.

Ад вёскі не засталося і следу, калі туды 22 мая 1943 года раніцай уварваліся карнікі. Мірных жыхароў сагналі ў хлеў і падпалілі. Людзі прынялі пакутніцкую смерць, згараючы жывымі. Маленькіх дзяцей ад 1 да 6 гадоў фашысты кінулі ў глыбокі калодзеж. З зямлёй зраўнавалі 26 двароў, тады загінула 66 чалавек. Толькі траім шунеўцам цудам удалося выратавацца. Гэта сямігадовы хлопчык Валодзя Рудкоўскі, які знайшоў шчыліну ў палаючай адрыне і выслізнуў, уцёкшы пад градам куль у лес. А таксама Канстанцін Ананіч з дачкой Сонечкай, якія хаваліся ў зямлянцы ў лесе і засталіся незаўважаныя, калі фашысты прачэсвалі наваколлі ў пошуках жыхароў вёскі. Софія Ананіч (Шаблоўская) пасля жыла ў Мінску і яшчэ доўгія гады прыязджала на малую радзіму — у вёску, ад якой захаваліся толькі гаротныя ўспаміны. Яна расказвала падрастаючаму пакаленню, як удалося выжыць і якія зверствы ўчынялі захопнікі на нашай зямлі.

Удзельнікам акцыі таксама прадставяць тэатралізаваную пастаноўку, дзе пакажуць мірнае, даваеннае, жыццё Шунеўкі і яе трагедыю. Пасля правядзення мітынгу-рэквіема прадстаўнікі аўтаклубаў перададуць моладзі Докшыцкага раёна карты спаленых вёсак як знак пераемнасці пакаленняў. Гэтыя карты затым адправяцца ў Бягомльскі музей народнай славы. Завяршальным жалобным акордам мерапрыемства стане запальванне свечак памяці.

Аўтар Вераніка КАНЮТА

Загаловак у газеце: Выратавацца ўдалося толькі траім

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.