Вы тут

Старшыня Савета Рэспублікі Наталля Качанава наведала пляцоўку ААТ «МотаВелаЗавод»


Спікер верхняй палаты парламента, упаўнаважаны прадстаўнік кіраўніка дзяржавы па Мінску Наталля Качанава пабывала сёння ў адкрытым акцыянерным таварыстве «Мотавела», дзе азнаёмілася са станам вытворчых пляцовак. Такое было даручэнне Прэзідэнта Рэспублікі Беларусь Аляксандра Лукашэнкі, які не так даўно наведваў гэтае прадпрыемства. Тады прагучала задача-абяцанне, якую агучыў Прэзідэнт у гутарцы з калектывам: «За пяцігодку завод павінен грымець на ўвесь свет». 


Фота: БелТА

Нагадаем, што тады, два месяцы таму, адказваючы на пытанне пра мэту візіту Аляксандр Лукашэнка сказаў: «Так жыць нельга. І вы так больш жыць не будзеце». Беларускі лідар паставіў задачу: цягам трох гадоў тэрыторыя мотавелазавода павінна цалкам быць прыведзеная ў ідэальны стан, усе лішнія будынкі будуць знесеныя, а на вызваленай пляцоўцы павінен быць створаны Мінскі гарадскі тэхнапарк. Што ўжо зроблена пасля візіту кіраўніка дзяржавы і якія існуюць праблемныя пытанні ў рэалізацыі агучаных планаў? 

Наталля Качанава, азнаёмілася, як выконваецца пратакол даручэнняў Прэзідэнта, у прыватнасці, як вырашаюцца пытанні па навядзенні парадку на тэрыторыі прадпрыемства, які далейшы лёс невыкарыстоўваемай маёмасці і апусцелых збудаванняў. Яна прайшлася па цэхах, дзе часткова ўжо дэмантавалі вытворчае абсталяванне, пацікавілася ў кіраўніцтва далейшымі планамі. 

— Важна, каб плошчы прадпрыемства, якія знаходзяцца ў цэнтры Мінска, выкарыстоўваліся эфектыўна, — звярнула ўвагу прысутных Наталля Качанава.

Адзначым, што вытворчая пляцоўка былога гіганта саюзнага значэння займае 27 гектараў, размешчаных уздоўж Партызанскага праспекта сталіцы. 

Як паведамілі спікеру Савета Рэспублікі, на тэрыторыі вытворчай пляцоўкі мотавелазавода плануецца правесці комплексную рэканструкцыю, якая будзе выконвацца паэтапна, з максімальна магчымым захаваннем на кожным з этапаў плошчаў, якія арандуюцца.

Пасля завяршэння рэканструкцыі кожнага з этапаў (чэргаў) створаныя плошчы будуць запаўняцца інавацыйнымі кампаніямі, у тым ліку і тымі, якія ўжо размяшчаюцца на пляцоўцы, што прайшлі адпаведны адбор ва ўстаноўленым парадку.

У першую чаргу ўжо сёлета мяркуецца выканаць рэканструкцыю вытворчых карпусоў № 1 і № 2 з прыладай знешніх фасадаў ў стылістыцы гістарычнай забудовы.

Фота: БелТА

Другая чарга прадугледжвае рэканструкцыю корпуса № 3 і прыбудоў да яго, у якім у цяперашні час размяшчаецца вытворчасць вела- і мотатэхнікі (ТАА «МотаВелаЗавода»), і частка арандатараў. Рэканструкцыю плануецца рэалізаваць без спынення вытворчых працэсаў прадпрыемства. Запуск рэканструкцыі другой чаргі павінен распачацца ўжо сёлета. Трэба сказаць, што ў планах вылучэнне 4-х пускавых комплексаў работ па рэканструкцыі з завяршэннем у 2024 годзе.

Усяго запланавана восем чэргаў рэканструкцыі пляцоўкі, уключаючы добраўпарадкаванне, і ўвод іх у эксплуатацыю іх па чарзе штогод.

Пасля азнаямлення з вытворчымі пляцоўкамі Старшыня Савета Рэспублікі Наталля Качанава правяла нараду па пытаннях развіцця вытворчай пляцоўкі прадпрыемства.

Як паведаміў старшыня Мінскага гарадскога выканаўчага камітэта Уладзімір КУХАРАЎ, Прэзідэнту ўнесена прапанова па зносе двух вытворчых карпусоў з адначасовым будаўніцтвам новых больш аб’ёмных збудаванняў, якія дазволяць павялічыць плошчы ў тры разы: з 45 тысяч «квадратаў» да 120-ці. Гэта дасць магчымасць больш эфектыўна выкарыстоўваць рэсурс і дазволіць атрымліваць больш прыбытку. 

З дакладамі аб комплекснай рэканструкцыі вытворчай пляцоўкі маёмаснага комплексу ААТ «Мотавела» акрамя кіраўніка сталіцы выступілі Васіль Герасімаў — старшыня Камітэта дзяржаўнага кантролю, Пётр Броўкін — першы намеснік старшыні Дзяржкаммаёмасці, Сяргей Гунько — першы намеснік міністра прамысловасці.

Па выніках нарады Наталля Качанава падрыхтуе аналітычную запіску, у якой выкладзе кіраўніку дзяржавы далейшыя перспектывы выкарыстання плошчаў мотавелазавода і рэалізацыі планаў па развіцці вытворчасці. 

Вольга АНУФРЫЕВА

Выбар рэдакцыі

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота...