Гісторыю марозіва раскажуць ў Магілёўскім абласным мастацкім музеі 19 чэрвеня

19 чэрвеня пройдзе музейны занятак «Гісторыя марозіва».

«Удзельнікі занятка пазнаёмяцца з шматвекавой гісторыяй самага смачнага дэсерту у свеце. Мы раскажам, дзе ўпершыню з’явілася марозіва, хто прывёз старадаўні рэцэпт у Еўропу, як юная каралева пазнаёмілася з сакрэтным рэцэптам італьянскага ледзянога прысмаку Францыі. Акрамя гэтага, госці музея даведаюцца, як вырабляўся дэсерт ў старажытныя часы і як яго вырабляюць сёння, якія віды марожанага існуюць і наколькі яны могуць быць арыгінальныя. У гульнявой форме ўдзельнікам занятка раскажуць, у чым карысць і шкода любімага ласунка», — распавялі ў музеі.

Пачатак занятка ў 12.00.